ዳዊታ ማዝሙርያ

1 ኢታ ኦያዋንቱ ድራዉ ይሎቶፓ።

ናጋራ ኦያዋንታ ቃናቶፓ።

2 አያዉ ጎፐ፥ ኡንቱንቱ ማታዳን ኤለካ መላና፤

ሹሌዳ ቦንጭያዳን ኡንቱንቱ ቆቆፈታና።

3 ኔን መና ጎዳን አማነታ፤ ሎኦባ ኦ።

ያታደ ቢታን ፓላህና ደአ።

4 መና ጎዳን ናሸታ፤

እ ነዉ ነ ዎዛና አሙዋ እማና።

5 ነ ኦግያ ሀዳራ መና ጎዳዉ እማ።

አን አማነታ፤ እ ነዉ ኦና።

6 እ ነ ጽሎተ ዎንታ ጻልቂያዳን፥

ቃይ ነ የዉዋ ፕርዳ ጋላሳ ሴታ አዋዳን ፖእሳና።

7 መና ጎዳ ስንን ጮኡ ጋደ፥

እ ኦናዉ፥ ዳንዳያን ናጋ።

ኡንቱንቱ ኢታ ሀልቹ ፖለትና፥

ዱረቴዳ አሳቱዋ ቦላ ይሎቶፓ።

8 ሀንቁዋ አጋ፤ ይሉዋፐ ተኤታ።

ይሎቶፓ፤ አያዉ ጎፐ፥ ሄዌ መቱዋን የጌ።

9 ኢታ ኦያዋንቱ ቆለቲደ ያና፤

ሽን መና ጎዳን ህዶታ ኦያዋንቱ ቢታ ላታና።

10 ኢታ ኦያዋንቱ ጉ ዎድያፐ ጉይያን ደእክኖ፤

ኔን ኡንቱንታ ኮይንቶካ ኡንቱንቱ ቤትክኖ።

11 ሽን አሽከቱ ቢታ ላታና፤✝37:11 ማቶሳ 5:5

ኡንቱንቱ ግታ ሳሮተን ናሸቲደ ደአና።

12 ኢታ አሳይ ጽሎ አሳ ቦላ ማቀቴነ

ባረ አቻ ጋርጬ።

13 ሽን ጎዳይ ኢታቱዋ ቦላን ሚጬ፤

አያዉ ጎፐ፥ ኡንቱንቱ ፕርዳ ጋላሳይ ይያዋ እ ኤሬ።

14 ኢታ አሳቱ ህዬሳቱዋነ መቶታንቻቱዋ ኡንጋናዉነ

ሱረተን ሀመትያዋንታ ዎናዉ፥

ባረንቱ ማሻ ሾዴድኖነ

ባረንቱ ዎንዳፍያ ዳፌድኖ።

15 ሽን ኡንቱንቱ ማሻይ ኡንቱንቱ ዎዛና አይፍያን ገላና፤

ኡንቱንቱ ዎንዳፊካ መአና።

16 ጽሎ ደእያ ጉባይ

ጮራ ኢታ አሳቶ ደእያ ዳሮባፐ ሎአ።

17 አያዉ ጎፐ፥ ኢታቱዋ ዎልቃይ መአና፤

ሽን ጽሎቱዋ መና ጎዳይ ዘምፕሴ።

18 ሱረ አሳቱዋ ኦግያ መና ጎዳይ ኤሬ፤

ኡንቱንቱ ላታይካ መናዉ ኡንቱንቱዋ ግዳና።

19 ኢታ ዎድያን ሱረ አሳቱ ዬላትክኖ፤

ኮሻ ዎድያን ኡንቱንቱ ካላና።

20 ሽን ኢታ አሳቱ ሀይቃና።

መና ጎዳ ሞርከቱ ጋምኤና ደምባ ጪሻ ማላ፤

ኡንቱንቱ ጩዋዳን ያና።

21 ኢታ አሳይ ታልእ አኪደ ጭገና፤

ሽን ጽሎ አሳይ ቃረቲደ እሜ።

22 መና ጎዳን አንጀቴዳዋንቱ ቢታ ላታና፤

ሽን ሸቀቴዳዋንቱ ቆለት ያና።

23 አሳ ኦጊ መና ጎዳ ናሸቾፐ፥

ጎዳይ አ ታንጉዋ ካለነ ምንሴ።

24 እ በቶፐካ ኩንደና፤

አያዉ ጎፐ፥ መና ጎዳይ አ ኩሽያ ኦይቂደ ዘምፕሴ።

25 ታን ካሰ ያላጋ፤ ሀእ ስም ጭማድ፤

ሽን ጽሎ አሳይ ጮ አትና፥

ዎይ አ ናናቱ ምያዋ ይ ዎስሽን፥

ታን ኡባካ በአ ኤርከ።

26 እ ኡባ ዎደካ ኬካ፤

ጮ ታልኤ።

አ ናናቱካ ሀራቶ አንጆ ግዳናዋንታ።

27 ኢታፐ ሃካ፤ ሎኦባ ኦ።

ያቶፐ፥ ኔን አዱሳ ላይ ደአና።

28 አያዉ ጎፐ፥ መና ጎዳይ ጽሎባ ዶሴ።

ጾሳ አሳቱዋ እ አገና፤

ጽሎቱ መናዉ ናገቲኖ።

ሽን ኢታቱዋ ዘረይ ቆለታና።

29 ጽሎቱ ቢታ ላታናነ

ያን መናዉ ደአና።

30 ጽሉዋ ዶናይ አዳ ኤራ ኦዴ፤

አ እንጻርሳይካ ጽሎባ ሃሳዬ።

31 አ ጾሳ ህጊ አ ዎዛናን ደኤ፤

አ ገዲካ አፐ ሀልጸና።

32 ኢታ አሳይ ጽሎ አሳ ዎቼነ

ዎናዉ ኮዬ።

33 ሽን መና ጎዳይ ጽሎ አሳ አ ኩሽያን አገና፤

ፕርዳዉ ኤቂያ ዎደካ አ ቦላ ፕርድሰና።

34 መና ጎዳን ህዶታ ዎደ፥ አ ኦግያ ናጋ።

ኔን ቢታ ላታና ማላ፥

እ ኔና ዳርሳና።

ኢታ አሳቱ ቆለቲደ ይሽና፥

ኔን በአና።

35 ታን እት ዳጋንያ ኢታ ብታንያ፥

ዎላዳን ዳሼዳዋ በኣድ።

36 ሽን ታን ሄ ሳና

ስማደ አያ ዎደ እ ዬዳ፤

ኮይናካ እ ቤትቤና።

37 አነ ሎኦ አሳ አኬካ፤ ሱረ አሳ በአ፤

አያዉ ጎፐ፥ ሳሮ አሳዉ ፖሉ ሎአና።

38 ሽን ባይዛንቻቱ ኡባ ያና፤

ኢታቱዋ ፖሉካ ቆለት ያና።

39 ጽሎቱዋ አቶተይ መና ጎዳፐ ዬ፤

መቱዋ ዎደ እ ኡንቱንቶ ናገት አትያ ሳኣ።

40 መና ጎዳይ ጽሎቱዋ ማዴነ አሼ።

ኡንቱንቱ አኮ ባቃቴዳ ድራዉ፥

እ ኡንቱንታ ኢታቱዋፐ ዎ አኬነ አሼ።