ጾሳ ኮዩሳ
ይሁዳ ባዙዋን ደእያ ዎደ ዳዊታ ማዛሙርያ
1 አቤት ጾሳዉ፥ ኔን ታ ጾሳ፤
ታ ዎዛናይ ኔና ላሞቴ፤
ታ አሹካ ኔና አሞቴ።
መል ዛኤዳ፥ ሃ ባይና ቢታዳን
ታ ኩመን አሳተይ ኔና ሳመቴ።
2 ታን ኔና ጌሻ ሳኣን በኣድ፤
ነ ዎልቃካ ነ ቦንቹዋካ ታን በኣድ።
3 አገና ነ ሲቁ ደኡዋፐ ሎእያ ድራዉ፥
ታ እንጻርሳይ ኔና ቦንቻና።
4 ታ ደኡዋ ላይን ታን ኔና ጋላታና፤
ነ ሱንን ታ ኩሽያ ፑደ ምጫና።
5 አሳይ ሎኦ ቁማ ካልያዋዳን፥
ታ ሸምፓታ ኔናን ካላና።
ታን ታ እንጻርሳን ናሸቻ የን ኔና ጋላታና።
6 ታን ታ ግሱዋን ኔና ሀሳያይ፤
ቃማ ኡባን ነባ ቆፓይ፤
7 አያዉ ጎፐ፥ ኔን ታና ማዴዳዋ።
ታን ነ ቀፍያ ኩዋን ኡታደ፥ ናሸቻዉ የጻይ።
8 ታን ነ ማታ ሺቃ ኡታይ፤
ነ ኡሸቻ ኩሺ ታና ኦይቂደ ናጌ።
9 ሽን ታና ዎና ኮይያዋንቱ፥
ቢታ ጋርሳ ጪሞ ሳኣን ሞገታና።
10 ኡንቱንቱ ማሻዉ አደ እመታና፤
ኡንቱንቱ ባባርቂያ ካተ ግዳና።
11 ሽን ካቲ ጾሳን ናሸታና።
ጾሳ ሱንን ጫቂያ ኡባይ አ ጋላታና፤
ሽን ዎርዱዋ ሃሳይያዋንቱ ዶናይ ጎርደታና።