ጾሳ አንጋይ መታ ቦላን
ዛማረቱዋ ካፖ ሱሱላቱዋን የጸቴዳ፥ ዳዊታ ማዝሙርያ።
1 አቤት መና ጎዳዉ፥ ኑ ጾሳዉ፥
ነ ሱንይ ሳኣ ኡባ ቦላን አያ ቦንቼቴዴሻ!
ኔን ነ ቦንቹዋ ሳሎቱዋፐ ቦላን
ቁ ቁ ኦ ዎዳ።
2 ኔን ነ ሞርከቱዋ ድራዉ፥
ነ ባልጋራነ ነዉ ማንድያዋ ስርጵ ኦናዉ፥
ጉ ናናቱዋ ዶናን
ምያ ናናቱዋ ዶናን ጋላታ ኩንዳ።8:2 ማቶሳ 21:16
3 ኔን ነ ብራቱዋን መዳ ነ ሳሎቱዋ፥
ሳኣን ሳኣን ኔን ዎዳ አግናነ
ጾልንተቱዋ ታን በእያ ዎደ፥
4 ኔን አሳባ ቆፓናዉ አሳይ አዬ?8:4 ኢዮባ 7:17-18፤ ማዝ. 144:3፤ እብራ. 2:6-8
ዎይ ኔን አዉ ህርጋናዉ እ አዬ?
5 አ ኔን ጾሳፐ አማሬዳዋ ጉዳ፤
ቦንቹዋነ ግታተ ካላቻ አ ሁጲያን ዎዳ።
6 አ ኔን ነ መዳ መተ ኡባ ቦላን
ሞድያዋ ኦደ ሱንዳ፤8:6 1 ቆሮ. 15:27፤ ኤፈ. 1:22፤ እብራ. 2:8
ኡባባ አ ገድያፐ ጋርሳና ዎዳ።
7 ዶርሳቱዋነ ቦራቱዋ፥ ሳኣ ዶአቱዋነ፥
8 ሳሉዋ ካፎቱዋ፥ አባ ሞለቱዋነ፥
አባይ ጎግያሳን ዋያዋንታ ኡባካ
አ ሞድሳዳ።
9 አቤት ጾሳዉ፥ ኑ ጾሳዉ፥ ነ ሱንይ
ሳኣ ኡባን አያ ቦንቼቴዴሻ!