ጾሳይ ጽሉዋነ ጌሻ
1 መና ጎዳይ ካዉቴዳ!99:1 ከሳ 25:22 ሄዎ አሳቱ ኮኮርኖ።
ክሩበቱዋፐ ግዱዋን ካዉተ አራታ ቦላ ኡቴዳ፤
ሄዎ ቢታይ ቃጾ፤
2 መና ጎዳይ ጽዮነን ዎልቃማ፤
ካዉተ ኡባፐ እ ቁ ቁ ጌዳ።
3 ዳሮፐ ያሽያ አ ዎልቃማ ሱን፥
ኡንቱንቱ ኡባይ ጋላትኖ።
እ ጌሻ!
4 ኔን፥ ዎልቃማ ካቲ፥ ልከ ፕርዳ ዶሳሳ።
ኔን ያቆባ አሳዉ ሱረተ ምንሳዳ።
ጽሎተነ ልከ ፕርዳ ኤሳዳ።
5 መና ጎዳ ኑ ጾሳ ቁ ቁ ኦተ፤
አ ገዲ የያሳን ጉፋኒደ አዉ ጎይንተ።
እ ጌሻ!
6 ሙሴነ አሮነ አ ቀሰቱዋ ግዱዋፐ ላአቱዋ፤
ሳሜልካ አ ሱንን ዎሴዳዋንቱፐ እቱዋ።
ኡንቱንቱ መና ጎዳዉ ዋሴድኖ፤
እካ ኡንቱንቶ አሌዳ።
7 እ ሻርያ ቱሳ ግዱዋና ኡንቱንቶ ሃሳዬዳ፤99:7 ከሳ 33:9
ኡንቱንቱ እ እሜዳ ህግያነ ዎጋ ናጌድኖ።
8 አቤት መና ጎዳዉ፥ ኑ ጾሳዉ፥
ኔን ኡንቱንቱ ዎሳ ስሳዳ።
ኔን ኡንቱንቱ ኢታተ ድራዉ ሙሬዳዋ ግዶፐካ፥
ኡንቱንቶ አቶ ጌዳ ጾሳ።
9 መና ጎዳ ኑ ጾሳ፥ ቁ ቁ ኦተ፤
አ ጌሻ ደርያ ቦላን አዉ ጎይንተ፤
አያዉ ጎፐ፥ መና ጎዳይ ኑ ጾሳይ ጌሻ!