Gênesis 31

Yakobo ali’mutoloka Labani

1 Hohene Yakobo wigagwa mihayo ku’v’a v’asu’mbana v’ana v’amwa Labani v’ali’saya ati', "Yakobo wasolile nsawo yose yamwa siswe, hene wadamalu’kaga." 2 Hangi' Yakobo wamanyaga ku’v’a Labani akamutogwa ninga ku’mugola ki’ti' i’vyo wav’age ha mbu’ki'. 3 Haho Gu’ku' Mulungu wamuwi’laga Yakobo, "Su’v’a ku' nsi' ya v’av’yazi v’ako na v’adu’gu’yo u’ko wav’yali’lwa, nanne nku’v’a haki’mo nanho."

4 Hohene Yakobo watu’mi’zyaga nkombe ku’mwa Lahele na Leya, ki’gele v’ize ku' idi’ma u’ko kwav’age na mitugo zyakwe. 5 Aho v’afikaga kwenu’ko wav’awi’laga ati', "Nawonaga sinywe akantogwa ninga ku’ngola ki’ti' i’vyo wav’age ha mbu’ki'. Ali’vi Mulungu wamwa v’av’a wanne wav’aga haki’mo nanne. 6 Ali’vi ninga inywe mumanyile ku’v’a namutu’mami’lile sinywe ku' nguzu zyanne zyose. 7 Ninga vyeni’vyo, sinywe wankongaga na ku’galu’zya wu’tenensya wanne kali' iku’mi. Ali’vi Mulungu wani’mi’i’laga aleke ku’nvulazya. 8 Wav’age u’lu' wayomba, ‘Ndimu zya mav’alamav’ala hu' wu’lav’e wu’tenensya wako,’ hohene idale lyose zyawu’taga zya mav’alamav’ala. Hangi' u’lu' wayomba, ‘Ndimu zya machelule hu' wu’lav’e wu’tenensya wako.’ Hohene idale lyose zyawu’taga zya machelule. 9 I’vi hu' vyene Mulungu wasolile visawa vyamwa sinywe na ku’mpa ene.

10 "Ha itungo lya ndimu ku’suki’la, ndi' nawona mu ndoti magulati' ago gav’age gali’zisenda gose gav’age na machelule, mav’alamav’ala na mabadomabado. 11 Malaika wa Mulungu wayombaga nanne mu ndoti, wanitanaga, ‘Yakobo,’ Nanne nitawu’kaga, ‘Kalame!’ 12 Nawe wambwi’laga, ‘Lingaga magulati' ago gali’senda, gose gali' na machelule, mav’alamav’ala na mabadomabado. Igambo lyeni’li' lyav’aga vyeni’vyo ku’nguno nawonaga i’vi Labani waku’v’ezezyaga. 13 Ene hu' ni' Mulungu u’yo ndi' wakwifumi’i’la ku' Beteli, u’ko waki’ndi’kile nhi’ngi' ya iwe na ku’li’v’ila maguta, haki’mo na ku’ntu’u’li’la ki’lu’mbo. Gi’si' u’mufume mu nsi' yeni’yi', u’su’v’e ku' nsi' i’yo wav’yali’lwa.’ "

14 Lahele na Leya v’asu’v’yaga ati', "Iswe ku’ku’ya nanho, ku’nguno ku’li' wu’du’hu' cha ku’saala mu lu’go lwamwa siswe. 15 Musav’a ali’ku’v’azya iswe ki’ti' v’ageni, hene waku’gu’zizye, na ndi’pi yeni’yo wamalile ku’yi’lya yose! 16 Wu’sav’i wose u’wo Mulungu wawu’solile ku’fuma ku’mwa siswe, nhana yi’li' nsawo yiswe na v’ana v’iswe. Ku’nguno yeni’yo ev’e v’ezyaga ki’ti' i’vi Mulungu waku’wi’lile."

17 Haho Yakobo wiv’angaga ku' musi’nzo, wav’aliiniaga v’ana v’akwe na v’aki' v’akwe ha igu’lya na ntwangawu’lende. 18 Wasolaga mitugo zyakwe zyose haki’mo na nsawo yose i’yo wasangwa wakwav’ile ku' Padani-alamu, wandyaga musi’nzo ku’su’v’a ku’mwa ise Isaka, ku' nsi' ya Kanaani.

19 Itungo lyeni’lo Labani ndi' wayaga ku’kasu’nzu’la woya wa nkolo zyakwe, haho Lahele wapandi’kaga itungo lya kwiv’a vimbulimbuli vya ha misengelo gamwa ise. 20 Hangi' Yakobo wamuyengaga Labani, Mualamu, ku' ku’wu’ka ninga ku’dahya ng’o. 21 Hohene Yakobo wasolaga nsawo na vintu' vyakwe vyose, watolokaga navyo. Wagu’ki’laniaga mongo gwa Efulate, walondaga ku' ngu’lu' zya ku' lwandi' lwa Gileadi.

Labani ali’mulondezya Yakobo

22 Aho zyav’i’taga nsiku' idatu', haho Labani wamanyaga ku’v’a Yakobo watolokile. 23 Haho Labani wav’av’ilingaga v’adu’gu’ye ku’v’a haki’mo nawe, v’amulondezyaga Yakobo ku' lu’gendo lwa nsiku' mupungati', na v’amupandi’kaga ku' ngu’lu' zya lwandi' lwa Gileadi. 24 Ali’vi wu’ziku', Mulungu wamwizi’i’laga Labani mu ndoti, wamuwi’laga ati', "Wiangali’le! Ku’du' u’mukange Yakobo ku' muhayo ninga gu’mo."

25 Hohene Labani wamupandi’kaga Yakobo ku' ngu’lu' zya lwandi' lwenu’lo lwa Gileadi. Itungo lyeni’lo Yakobo wasangwa watu’u’lile nkambi' yakwe kwenu’ko. Labani nawe haki’mo na v’adu’gu’ye nav’o v’atu’u’laga nkambi' yav’o kwenu’ko. 26 Haho Labani wamuwu’zyaga Yakobo ati', "Wav’ezyaga vihe? Wanjengaga na ku’v’asola v’aniki' v’anne ki’ti' v’asampwa v’a wu’lu’gu'. 27 Ku' ki' watolokaga na ku’njenga? Ku' ki' u’kambwi’lile ki’gele kwidahye lwa miyeye, ngoma, tu’dono na nni’mbo? 28 Ku' ki' u’kampile itungo lya ku’v’adahya av’a v’aniki' v’ana v’anne lwa ku’v’asu’na na ku’v’awungati’la v’izu’ku’lu' v’anne? Nhana wav’ezyaga igambo lya ki’lele! 29 Ene ni’na wu’kowozi wa ku’ku’vulazya, ali’vi Mulungu wamwa so wali' wanizi’i’laga wu’ziku' na ku’mbwi’la ati', ‘Wiangali’le, ku’du' u’mukange Yakobo ku' muhayo ninga gu’mo.’ 30 Gi’si' manyile ku’v’a u’li' na nnamba ya ku’su’v’a ku’mwa so. Ali’vi ku' ki' waniv’i’lile vimbulimbuli vyanne vya kwisengela?"

31 Yakobo wasu’v’yaga ati', "Ndi' nogoha na kwiganika ku’v’a u’kowolile ku’mpuzya ku' nguzu av’a v’aniki', v’ana v’ako. 32 Ali’vi muntu' u’yo u’ku’musanga ali' na vimbulimbuli vya ku' wako afwe henanha. Ev’e koov’a mu miligo ziswe henanha ha mbele ya v’adu’gu' v’iswe, na i’cho u’ku’wona ki’li' chako u’ki’sole." Itungo lyeni’lo Yakobo wav’age akamanyile ku’v’a Lahele wiv’aga vyeni’vyo vimbulimbuli vyamwa ise.

33 Haho Labani wakoov’aniaga mu ikutu lyamwa Yakobo, Leya na mu ikutu lya av’o v’azya v’av’i’li', ali’vi akaviwonile. Wafumaga mu ikutu lyamwa Leya na wingi’laga mu ikutu lyamwa Lahele. 34 Ali’vi Lahele hu' mwene ndi' wavisolile vimbulimbuli vyeni’vyo, na ku’viv’isa ha vyanzwa vya ha igu’lya na ntwangawu’lende, nawe wikalaga henanho. Labani wavipeselaga mu ikutu lyeni’lo ali’vi akaviwine.

35 Nawe Lahele wamuwi’laga ise ati', "U’mbonele ki’sa v’av’a wanne, ku’du' u’gaye, nkakowola kwi’ma ha mbele yako, ku’nguno ni' ku' nsiku' zyanne." Labani wavikoov’aga vimbulimbuli vyakwe ali’vi akaviwine.

36 Haho Yakobo wagayaga na ku’muwu’zya Labani ku' wu’daki ati', "Nakaku’kenia ki' mpaka wandondezyaga vyeni’vi? 37 Gi’si' ku’nguno wafunyu’nku’laga miligo zyanne wapandi’kaga ki' cha mu lu’go lwako? Ki’tu’u’le aha ha mbele ya minso ga v’adu’gu' v’iswe, ene nanho, ki’gele nav’o v’ayangu’le mugati' yanne nanho. 38 Nikalaga haki’mo nanho ku' myaka maku’mi av’i’li', na ku' matungo gose genago, ku’du’hu' mbu’li ninga nkolo i’yo yahulumu’zizye. Ninga ng’ondi yi’mo ku’fuma mu madale ga nkolo zyako nkaali' ndyage. 39 Nkaali' nku’letelage mutugo u’go gu’lilwe na ndimu zya mu ipolu, ene mweni’ki’li' nafumyage ndi’pi. Hangi' ninga mutugo mbe gwiv’agwa wu’ziku' ninga lyu’v’a wantondage ene ndi’pe! 40 Hu' vyene nav’age nu’tuka muno na lyu’v’a isewu, na wu’ziku' mbeho ndaki mpaka tu’lo twalambage. 41 Myaka zyose maku’mi av’i’li', nikalaga ku' wako lwa makoye genago. Naku’tu’mami’lile myaka iku’mi na ine ki’gele mbatoole v’aniki' v’ako v’av’i’li', na myaka zingi' mukaga naku’tu’mami’lile ku’nguno ya mitugo zyako, ali’vi wangalu’li’lile wu’tenensya wanne mpaka kali' iku’mi. 42 U’lu' Mulungu wamwa gu’ku' wanne Abalahamu, Mulungu u’yo v’av’a wanne Isaka ndi' amogohile, wali' aleke ku’v’a haki’mo nanne, nhana wali' u’ku’nsaga nsu’v’e makono du'. Ali’vi Mulungu wawonaga lu’duko lwanne na mili’mo i’zyo natu’mamile ku' makono ganne, hu' mwene waku’hangi’li’zyaga wu’ziku' wa walelo."

Labani na Yakobo v’ali’witu’u’la ilagano

43 Nawe Labani wasu’v’yaga ati', "Av’a v’aniki' v’ali' v’ana v’anne, na av’a v’ana v’ali' v’izu’ku’lu' v’anne, hangi' madale ga mitugo zyeni’zi gali' ganne, na vyose i’vi u’wine henanha vili' vyanne. Ali’vi lelo nku’v’av’ezezya ki' v’aniki' v’enav’a na v’ana v’av’o av’o v’av’yalile? 44 Gi’si' izu’u' ku’v’ezye ilagano. Ilagano lyeni’li' li’v’e ki’ti' wu’sangi’lwa mugati' yanne nanho."

45 Hohene Yakobo wasolaga iwe, wali’ki’ndi’kaga ki’ti' nhi’ngi' ya ku’v’izu’ki’zya. 46 Hangi' Yakobo wav’awi’laga v’adu’gu’ye ati', "Mukuminge mawe." Nav’o v’akumingaga ituntu lya mawe. Aho v’amali’laga ku’kuminga, v’alyaga viliwa bi’hi' na ituntu lya mawe genago. 47 Haho Labani walitanaga ituntu lyeni’lo "Yegali-sahaduta" sumbwa Yakobo walitanaga "Galedi*31:47 Lina "Yegali-sahaduta" ku' Ki’alamu na lina "Galedi" ku' Ki’ebulania nguno yayo "ituntu lya wu’sangi’lwa."."

48 Hangi' Labani wamuwi’laga Yakobo ati', "Ku’fuma walelo ituntu lyeni’li' hu' wu’ku’v’a wu’sangi’lwa mugati' yanne nanho." Ku’nguno yeni’yo litanagwa lina Galedi. 49 Nhi’ngi' yeni’yo ya mawe Labani wayitanaga Mizipa*31:49 Lina "Mizipa" ku' Ki’ebulania nguno yayo "ku’lawa." na ku’yomba ati', "Gu’ku' Mulungu aku’lawe ku' matungo gose ago ku’lav’e ku’le ku’le ku’kakowola kwiwona ene nanho. 50 U’lu' wize u’v’atusye v’ana v’anne, ninga u’lu' wize wongezye ku’toola v’aki’ma v’angi', ninga mbe ku’du’hu' musangi’lwa yu’ngi' wizu’ki’le ku’v’a Mulungu hu' mwene musangi’lwa wiswe mugati' yanne nanho."

51 Hangi' Labani wamuwi’laga Yakobo ati', "Lingaga ituntu i’li' lya mawe na nhi’ngi' i’yi' nayi’ki’ndi’kaga hagati' yanne nanho. 52 Ituntu lyeni’li' lya mawe na nhi’ngi' yeni’yi' hu' wu’sangi’lwa ku’v’a ene nkasye nki’lanie ituntu ku’ku’londelela ku' lwandi' lwako ku’ku’vulazya. Ev’e nanho u’kasye u’ki’lanie ituntu na nhi’ngi' yeni’yi' kwiza ku’nvulazya. 53 Mulungu wamwa Abalahamu, mulungu wamwa Naholi, na mulungu wa v’asav’o, v’alayangu’le hagati' niswe."

Haho Yakobo walahi’laga ku' lina lyamwa Mulungu u’yo ise Isaka ndi' amogohile. 54 Hangi' Yakobo wafumyaga ki’taambo henanho ha lu’gu’lu', na wav’akaati’kaga v’adu’gu’ye v’ize ku’lya viliwa haki’mo. Aho v’amali’laga ku’lya v’alalaga henanho.

55 Wangalu’ke ndiyu', Labani wipunaga, wav’asu’naga v’izu’ku’lu' v’akwe na v’aniki' av’o v’ana v’akwe, na wav’adosyaga. Haho wawu’kaga ku’su’v’a ku' lu’go lwakwe.