സങ്കീർത്തനങ്ങൾ 51:1-4,10,17

Em outras traduções

1. IRVMAL Indian Revised Version (IRV) - Malayalam

   1 ദൈവമേ, അങ്ങേയുടെ ദയയ്ക്കു തക്കവണ്ണം എന്നോട് കൃപയുണ്ടാകേണമേ;

   അങ്ങേയുടെ ബഹുവിധമായ കാരുണ്യപ്രകാരം

   എന്‍റെ ലംഘനങ്ങൾ മായിച്ചുകളയേണമേ.

   2 എന്നെ നന്നായി കഴുകി എന്‍റെ അകൃത്യം പോക്കേണമേ;

   എന്‍റെ പാപം നീക്കി എന്നെ വെടിപ്പാക്കേണമേ.

   3 എന്‍റെ ലംഘനങ്ങൾ ഞാൻ അറിയുന്നു;

   എന്‍റെ പാപം എപ്പോഴും എന്‍റെ മുമ്പിൽ ഇരിക്കുന്നു.

   4 അങ്ങയോടു തന്നെ ഞാൻ പാപംചെയ്തു;

   അവിടുത്തേക്ക് അനിഷ്ടമായത് ഞാൻ ചെയ്തിരിക്കുന്നു.

   സംസാരിക്കുമ്പോൾ അവിടുന്ന് നീതിമാനായും

   വിധിക്കുമ്പോൾ നിർമ്മലനായും ഇരിയ്ക്കുന്നുവല്ലോ.

   10 ദൈവമേ, നിർമ്മലമായ ഒരു ഹൃദയം എന്നിൽ സൃഷ്ടിച്ച്

   സ്ഥിരതയുള്ള ഒരു ആത്മാവ് എന്നിൽ പുതുക്കേണമേ.

   17 ദൈവത്തിന് പ്രസാദകരമയിരിക്കുന്ന ഹനനയാഗങ്ങൾ*51:17 ദൈവത്തിന് പ്രസാദകരമയിരിക്കുന്ന ഹനനയാഗങ്ങൾ ദൈവമേ, എന്‍റെ ഹനനയാഗങ്ങൾ തകർന്നിരിക്കുന്ന മനസ്സല്ലയോ?

   തകർന്നും നുറുങ്ങിയുമിരിക്കുന്ന ഹൃദയത്തെ, ദൈവമേ, അവിടുന്ന് നിരസിക്കുകയില്ല.

2. OMCV Versão Contemporânea Aberta em Malaiala

   1 ദൈവമേ, അവിടത്തെ അചഞ്ചലസ്നേഹത്തിന് അനുയോജ്യമായവിധത്തിൽ,

   അടിയനോടു കരുണയുണ്ടാകണമേ;

   അങ്ങയുടെ മഹാകാരുണ്യംനിമിത്തം

   എന്റെ ലംഘനങ്ങൾ മായിച്ചുകളയണമേ.

   2 എന്റെ എല്ലാവിധ അകൃത്യങ്ങളും കഴുകിക്കളഞ്ഞ്

   എന്റെ പാപത്തിൽനിന്ന് എന്നെ ശുദ്ധീകരിക്കണമേ.

   3 എന്റെ അതിക്രമങ്ങൾ ഞാനറിയുന്നു,

   എന്റെ പാപം എപ്പോഴും എന്റെ കൺമുമ്പിലുണ്ട്.

   4 അവിടത്തേക്കെതിരായി, അവിടത്തോടുമാത്രം ഞാൻ പാപംചെയ്തിരിക്കുന്നു

   അവിടത്തെ ദൃഷ്ടിയിൽ ഞാൻ തിന്മ പ്രവർത്തിച്ചിരിക്കുന്നു;

   ആകയാൽ അവിടത്തെ ന്യായത്തീർപ്പുകൾ നീതിയുക്തവും

   അവിടത്തെ വിധിന്യായം ന്യായയുക്തവുമാകുന്നു.

   10 ദൈവമേ, നിർമലമായൊരു ഹൃദയം എന്നിൽ സൃഷ്ടിക്കണമേ,

   അചഞ്ചലമായ ഒരാത്മാവിനെ എന്നിൽ പുതുക്കണമേ.

   17 ദൈവത്തിന് ഹിതകരമായ യാഗം തകർന്ന മനസ്സല്ലോ;

   പശ്ചാത്താപത്താൽ തകർന്ന ഹൃദയത്തെ

   ദൈവമേ, അവിടന്നൊരിക്കലും നിരസിക്കുകയില്ലല്ലോ.