3 ହେୱାର୍ ଇନାର୍, "ଆପେଙ୍ଗ୍ ଇନାକିଦେଂ ଉପାସ୍ କିନାପା ଆରି ଏପ୍ ହୁଡ଼୍ଦେରା ?" ଆପେଙ୍ଗ୍ ଇନାକିଦେଂ ଜାର୍ ଜାର୍ ପାରାଣ୍ତିଂ କସ୍ଟ ହିନାସା ଆରି ଏପ୍ ମାନ୍ଦିଆନ୍ କିଉଦେରା ? ହୁଡ଼ାଟ୍, ଏପ୍ ଉପାସ୍ ନାଞ୍ଜିଙ୍ଗ୍ ଜାର୍ ସୁକ୍ ସେସ୍ଟା କିନାଦେରା ଆରି ବଲ୍ତ୍କାର୍ ସବୁ କସ୍ଟ କିନାଦେରା । 4 ହୁଡ଼ାଟ୍, ଏପେଙ୍ଗ୍ ଗଣ୍ଡ୍ଗଲ୍ ଆରି କିର କାଜିଂ, ଆରେ ବାନ୍ୟାନିକାର୍ ମୁଟି ହୁଦାଂ ଟ୍ରାକ୍ନି କାଜିଂ ଉପାସ୍ କିନାଦେରା; ମି କାଟ୍ ଜପିତାଂ ଇନେସ୍କି ୱେନ୍ୟାଆନାତ୍, ଇଲାକେ ଉପାସ୍ ନେଞ୍ଜେଙ୍ଗ୍ ଏପେଙ୍ଗ୍ କିଉଦେରା । 5 ଇ ଲାକେ ଉପାସ୍, ମାନାୟାର୍ ଜାର୍ ଜାର୍ତିଂ ଦୁକ୍ତ ହିନି କାଜିଂ ଇ ବାନି ଦିନା, ଆପ୍ ଇନାକା ବାଚି କିତାପ୍ନା ? ନାଡ଼ାମାର୍ ଲାକେ କାପ୍ଡ଼଼ା ଟଡ୍ତେଂ, ଆରେ ହିରୁହେନ୍ଦ୍ରା ଆରି ନିସ୍ ଜାର୍ ତାରେନ୍ ପାସ୍ତେଙ୍ଗ୍, ଇଦିଲିଂ ଏପ୍ ଉପାସ୍ ଆରି ନିତ୍ରେମାପ୍ରୁତି ଉଦେସ୍ତ କି ଇଟ୍ୟାନି ଦିନ୍ ଇଞ୍ଜି ଇନାଦେର୍ ? 6 ବାନ୍ୟନିକା ଲାକେ ଗାଟି ରିକ୍ନି କାଜିଂ, ଜୁୱାଣ୍ଡ୍ନି ଗାଟି ମୁକ୍ଡ଼ାୟ୍ କିନି କାଜିଂ ଆରି ବଜ୍ପିଣ୍ତି ମାନାୟାରିଂ ମୁକ୍ଡାୟ୍ କିଜ଼ି ପିହ୍ନାକା, ଆରେ ଜାଣ୍କେ ଜୁୱାଣ୍ଡ୍ ଡ୍ରିକ୍ନାକା,
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)