1 Togola wamanya ni lupisi luhi ngulugulu weleka?

Hegu wamanya ni lupisi luhi ngulugulu ikweleka wana?

2 Togola wadaha kuwaza miezi mpaka umwo weze weleke?

togola wamanya lupisi lwakwe ngulugulu lwa kweleka?

3 Togola wamanya ngulugulu lupisi lwawe lwa kufunama na kweleka,

na akajika aho usungu wa kweleka wasila.

4 Wanawe wagenyela na kupata ludole kwe nyika,

akajika awaleka wamame zawe na kuita zawe.

5 Niani azilekele mp'hunda ya kwe mbago?

Ni ani azikomoele sigi zakwe?

6 Hizink'ha nyika kunda ukalo wawe,

nyika zo munyu kunda ukalo wawe.

7 Zihale na vugo dya mwo mizi,

naho hazikutegeleza lwasu lwa uyo akumdamanyila ndima.

8 Zagendagenda mwe vigulu kwajili ya kuzungula nk'hande,

na kuzungula kila kint'hu kibisi zidye.

9 Togola mbogo neisulumile kukudamanyila ndima?

Hegu neisulumile kwikala mwe didewa dyako?

10 Togola wadaha kuinyinya mbogo sigi vileke ilime nk'honde?

Hegu neilime kunyuma kwako?

11 Togola nouihuwile kwaviya ina udahi mwingi?

na kuikawiila akudamanyile ndima zako ndala?

12 Togola nouihuwile kugamba neiktutikile ulozo wako?

na kwigala nk'hande hant'hu ha kuhutila?

13 Mbuguni yatowatowa mawawa yakwe kwa kinyemi,

mna haikudaha kupuluka enga nk'holongo.

14 Mbuguni yaleka matagi yakwe,

vileke yabwikane mwo msanga.

15 Mna hamanyize kugamba yadaha kujatwa,

hegu kutuligwa na makala ya kwe mbago.

16 Mbuguni yadaha kuwatendela wanawe vihile enga hiyo wakwe,

yehe aona hi kint'hu ndima yakwe ikaga du.

17 Kwaviya miye Mnungu himtenda ande mhezi

naho himwink'hile umanyi.

18 Mna umwo ikakonga kuguluka,

aihuma falasi hamwenga na uyo akugendeza b

19 Togola ni weye uitendile falasi inde na ludole lutendese?

na kuivika mwe singo mazoya matali mwe zisingo zawe?

20 Togola ni weye uzitendile falasi zipilike enga sige?

na kuwatisa want'hu kwa kuila kwawe.

21 Kwa kinyemi zoho zakwangula kwangula hasi

zikagulukila kwe nk'hondo kwa udahi wawe wose,

22 Falasi haikogoha chochose,

naho hakuuya kunyuma kwa kwogoha sime.

23 Vitowanilo wakuguha wakugendeza zifalasi,

vahamizana umwo zili naho kung'ala mwe dizuwa.

24 Falasi yalongola kulongole ikazingiza kwa kinyemi,

umwo magunda yakaila hazikudaha kukimala.

25 Kila umwo gunda dinatoigwa falasi yalava izwi dya kinyemi,

nayo yeva mp'hofa ya nk'hondo kulawa hale,

yaiva izwi dya watowani wakulu wakalava sigilizi.

26 Togola mwewe kakehiniza kwako ivo akupilika?

na kuchulula mawawa yakwe kuhinga kusini?

27 Togola ni weye ukumsigiila sumula apilike?

na kuzenga chaila chakwe kulanga kwo mnima?

28 Sumula adamanya wikazi wakwe mwe maiwe ye kulanga vitendese

na mwo lunenengwa mwe dizuwe numwo mna gomela dyakwe.

29 Kulawa uko wakaula hale na hagihi,

vileke apate nk'hande yakwe.

30 Wanawe wadya sakame,

aho handile ne kimba nuko eli sumula.