1 Nnya ɔlaa wɔ niakye SAATE nwu nfũ kuawa ni Yeremia ɔkyɛ alɛ: 2 "Soo fakyɛ abukiiblatɛ leyo, ninaatɔkɔ fɔ ɔlaa nii ninfa." 3 Nioso lasoo lakyɛ abukiiblatɛ nwu leyo, ni lanyɔɔ ɔɔbla ɔkpɛ di kataata ka suoto mambla ni abukii nɛ. 4 Kafɔɔ dibukii le aayɔ kɔtɛ aatɔɔbla ni lalalaa di nnɛɛ nɔɔ; nioso abukiiblatɛ nwu layɔ kɔtɛ nwu aabla dibukii bamba, aamunumunusa ni fɛ mmle diakyɛkyɛ diatɔɔ ni kanya.

5 Ninfɛ di SAATE nwu ɔlaa lawa kuatɛɛ alɛ: 6 "Oo Israel batii, naafuo ye ɔyɔ ɔbla fɛ mmle di abukiiblatɛ wɔ mmle mbla ni?" SAATE nwu niebuɛ alɛ, "Oo Israel batii, fɛle mmle di kɔtɛ nte ni di abukiiblatɛ kɔnɛɛ kamɛ yi, nkpo bite di nnɛɛ nii nɛ.