यिर्मयाह 45

बारूको खे यिर्मयाह नबीए रा सन्देश

1 योशिय्याह रे पाऊ यहूदा रे राजा यहोयाकीमो रे राज रे चौथे सालो दे, जेबे नेरिय्याह रा पाऊ बारूक यिर्मयाह भविष्यबक्ते ते भविष्यबाणिया रे इना वचना खे सुणी की कताबा दे लिखी चुकेया था, 2 तेबे यिर्मयाहे बारूको खे ये बोलेया, "ओ बारूक, इस्राएलो रा परमेशर यहोवा ताखे ईंयाँ बोलोआ, 3 ओ बारूक, तैं बोलेया, लाणत ए मां पाँदे! कऊँकि यहोवे माखे दु:खो पाँदे दु:ख देई राखेया, आऊँ कणदा-कणदा थकी गा ओर माखे कोई चैन नि मिलदा।" 4 यिर्मयाह, बारूको खे ईंयाँ बोल, यहोवा ईंयाँ बोलोआ, "देख, ये सारा यहूदा प्रदेश जो मैं बणाई राखेया था, से मां आपू ई टाल़ी देणा ओर जो मैं रूमी राखे थे सेयो मां आपू ई पट्टी की सेटी देणे। 5 बारूक, इजी री खातर सुण, तूँ आपू खे बड़ी योजना नि बणा। तेतेखे नि टोल़, कऊँकि यहोवे री ये बाणी ए कि मां सारे माणूंआ पाँदे मुसीबत ल्याऊणी, पर जेती केथी तूँ जाणा, तेती मां कटो ते कट तुसे मरने ते तो बचाणे।"