Goloko wa Ayubu wangubasigwa soni
7 Mkulu Nguluwi loyasindile kulongasa na Ayubu, nakamlonjela Elifasi, Mtemani, "Ndina ng’halazi na hegwe na goloko wa hegwe weli, kwa vila hamlonjile ga kukomya kuwala heni, ila chitumagwa wa heni Ayubu nakalonga ga kukomya. 8 Lelo mhole milogota milume saba na ming’holo milume saba mlute kwa chitumagwa wa heni Ayubu leka mlavye nhambiko za kulakazwa kwa chiwalo cha mwemwe baho. Chitumagwa wa heni Ayubu kolanda kwa chiwalo cha hemwe nani ndokubochela kulanda kwa heye leka ndeche kuwaditila kwa kiwhana na upoka wa hemwe, kwa vila hamlonjile kukomya kuwala heni, ila chitumagwa wa heni Ayubu nakalonga ga kukomya."