1 ତି ଆଡିନ୍ନା ଆମ୍ୱେନ୍‌ ଏବର୍ତନେ, "ଏ ସଦାପ୍ରବୁ, ଞେନ୍‌ ଆମନ୍‌ଆଡଙ୍‌ ସେଙ୍କେତମ୍‌; ଇନିଆସନ୍‌ଗାମେଣ୍ତେନ୍‌ ଆମନ୍‌ ଇନ୍‌ଆଡଙ୍‌ ବବ୍‌ରାବ୍‌ଲିୟ୍‌ ଜନଙ୍‌ଡେନ୍‌ ବନ୍‌ଡ୍ରାବ୍‌ନମ୍‌ ସବ୍‌ଙ୍ଗାୟ୍‌ଲେ ଆମନ୍‌ ଇନ୍‌ଲେଞ୍ଜିଆଡଙ୍‌ ବବ୍‌ୟୁଲଲେନ୍‌ । 2 ଗିୟ୍‌ବା, ଇସ୍ୱରନ୍‌ ଅନୁର୍‌ମର୍‌ଲେନ୍‌; ଞେନ୍‌ ଡର୍ତନାୟ୍‌ ଆରି ଅଃବବ୍‌ତଙ୍‌ନେବୋ; ଇନିଆସନ୍‌ଗାମେଣ୍ତେନ୍‌ ପ୍ରବୁନ୍‌ ରନପ୍ତିଞେନ୍‌ ଡ କନନ୍‌ଞେନ୍‌; ଆରି, ଆନିନ୍‌ ଅନୁର୍‌ମର୍‌ଞେନ୍‌ ଡେଏନ୍‌ । 3 ତିଆସନ୍‌ ଆମ୍ୱେଞ୍ଜି ସର୍ଡାନ୍‌ ବାତ୍ତେ ଅନୁରନ୍‌ ଆ କୁଆଲୋଙନ୍‌ ସିଲଡ୍‌ ଡାଆନ୍‌ ଏଗେନ୍‌ତେ ।" 4 ଆରି, ତି ଆଡିନ୍ନା ଆମ୍ୱେଞ୍ଜି ଏବର୍ତନେ, "ପ୍ରବୁନ୍‌ଆଡଙ୍‌ ସେଙ୍କେବା, ଆଞୁମ୍‌ଲୋଙନ୍‌ ପାର୍ତନାନାବା, କେଜ୍ଜାଲୋଙନ୍‌ସିଲଡ୍‌ ଆଲନୁମଞ୍ଜି ଅଡ଼୍‌କୋନ୍‌ ଅବ୍‌ଜନାବା, ଆଞୁମନ୍‌ ଗନୁଗୁଡମ୍‌ ଗାମ୍‌ଲେ ଅପୁଙ୍‌ବର୍ବା । 5 ପ୍ରବୁନ୍‌ ଆସନ୍‌ କମ୍ବା ଇନିଆସନ୍‌ଗାମେଣ୍ତେନ୍‌ ଆନିନ୍‌ ସୋଡ଼ା କାବ୍ବାଡ଼ାନ୍‌ ଲୁମେନ୍‌ । ତିଆତେ ସମ୍ପରା ପୁର୍ତିନ୍‌ ଜନାଏତୋ । 6 ଏ ସିଓନବାଜି, ଆମ୍ୱେନ୍‌ ଆକ୍ରାନ୍‌ ବାବ୍‌ବାବ୍‌ବା; ସର୍ଡାନ୍‌ ବାତ୍ତେ କନନନ୍‌ କନ୍‌ବା । ଇନିଆସନ୍‌ଗାମେଣ୍ତେନ୍‌ ଇସ୍ରାଏଲନ୍‌ ଆ ଡରମ୍ମ ଅନ୍ତମ୍‌ ଆନିନ୍‌ ଅମଙ୍‌ଲୋଙ୍‌ବେନ୍‌ ଆ ମଡ଼ିର୍‌ମର୍‌ ।"