1 ଡରମ୍ମନ୍ ଆସନଣ୍ଡୋଙ୍ମର୍ଜି ଡ ଇସ୍ୱରନ୍ ଆସନାୟ୍ ମର୍ଜି, ଆମ୍ବେଞ୍ଜି ବର୍ନେଞେନ୍ ଅମ୍ଡଙ୍ବା, ଆମ୍ବେଞ୍ଜି ଅଙ୍ଗା ଆରେଙ୍ଲୋଙ୍ସିଲଡ୍ ଗଡ୍ଲବେଞ୍ଜି କି ଅଙ୍ଗା ଲୋଓଙ୍ଲୋଙ୍ ଗାୟ୍ଲବେଞ୍ଜି ତି ତେତ୍ତେ ଆଙାଙ୍ବା । 2 ପୁର୍ବାଃ ଜୋଜୋବେନ୍ ଅବ୍ରାମନ୍ ଡ ସାରାନ୍ ଆକୋକୋନେନ୍ ଆଙାଙ୍ବା ଇନିଆସନ୍ଗାମେଣ୍ତେନ୍ ଆନିନ୍ ଆତିନ୍ସନ୍ ଆଡ୍ରକୋଲନ୍ ଆଡିଡ୍ ଞେନ୍ ଆନିନ୍ ଆଡଙ୍ ଓଡ୍ଡେଲାୟ୍ ଆରି ଞେନ୍ ଆନିନ୍ଆଡଙ୍ ଆର୍ସିବାଦଡାଲେ ଆନିନ୍ ଗୋଗୋୟ୍ କେଜ୍ଜାମର୍ ଅମ୍ମେଲାୟ୍ ।
3 ଇନିଆସନଗାମେଣ୍ତେନ୍ ସିଅନନ୍ ବବ୍ୟୋଏନ୍, ଆନିନ୍ ଆଡ୍ରୁଙ୍ଲନାୟନ୍ ଆଜାଗାଜି ବବ୍ୟୋଏନ୍; ଆନିନ୍ ଆସର୍ଲଲୋଙନଞ୍ଜି ଏଦୋନନ୍ ଅନ୍ତମ୍ ଡ ଆନିନ୍ ଆରିଙ୍ରିଙ୍ ଲବଲୋଙନ୍ କୋତ୍ତାନ୍ ଅନ୍ତମ୍ ତୁବେନ୍, ସର୍ରଡାନ୍ ଡ ସନେସେନନ୍ କନନନ୍ ଆସରଙ୍ ତି ତ୍ତେତେ ଡେତେ ।
4 ଏ ମନ୍ରାଞେଞ୍ଜି, ବର୍ରନେନ୍ ଞେନ୍ ଅମଡଙ୍ଲେ ଡାଲୁବା; ଏ ଆନା ଡେସାମର୍ରଞ୍ଜି,ବର୍ରନେଞେନ୍ ଅମ୍ଡଙ୍ବା, ଇନିଆନ୍ଗାମେଣ୍ତେନ୍ ଞେନ୍ ସିଲଡ୍ ଅବୟ୍ ବନାଁୟ୍ବରନ୍ ଡୁଙ୍ତନାୟ୍ କି ମନ୍ରାଞ୍ଜିନେଞ୍ଜି ଆସନ୍ ସନାଆରନ୍ ତିୟ୍ଲେ ପନ୍ସୁଆତିନ୍ ଏଗବ୍ରିବା । 5 ଡରମ୍ମଞେନ୍ ତୁୟାୟ୍ଡମ୍, ଅନୁରନ୍ ଡୁଙ୍ତନାୟ୍ କି କେଜ୍ଜାଞେଞ୍ଜି ଅଡ଼୍କୋନ୍ ପନ୍ସୁଆତିତେ; ଆନିଞ୍ଜି ଇନ୍ଲେଞ୍ଜି ଆଡଙ୍ ଆସାଲନ୍ ଜଗେଲଙ୍ତଞ୍ଜି କି ଆସିନ୍ ବାତ୍ତେ ଡୋବ୍ଡୋବ୍ଲଙ୍ତନ୍ । 6 ଆମ୍ୱେଞ୍ଜି ରୁଆଙନ୍ ଆଙାଙ୍ବା ଆରି ଜାୟ୍ତାନ୍ ଆଡ୍ରକୋତନ୍ ଆପୁର୍ତିଲନ୍ ଗିୟ୍ବା; ଇନିଆସନଗାମେଣ୍ତେନ୍ ରୁଆଙନ୍ ଓମୋଡନ୍ ଅନ୍ତମ୍ ଡେତେ,ପୁର୍ତିନ୍ ଆସିନ୍ରି ଅନ୍ତମ୍ ପତେତେ, ଆରି ପୁର୍ତିନ୍ ତେତ୍ତେ ଆଡ୍ରକୋତଞ୍ଜି ଆମନ୍ରାଜି ଅରୟନ୍ ଅନ୍ତମ୍ ରବୁତଜି; ବନ୍ଡ ଅନୁର୍ଞେନ୍ ଡେତେ; ଡରମ୍ମଞେନ୍ ଅମାୟାଏ ବନ୍ଡ ଆଏଡ଼ର୍ ଡକୋତନ୍ ।
7 ଏ ଡରମ୍ମମରଜି, ଉଗରଲୋଙ୍ଞେନ୍ ବନାଁୟ୍ବରନ୍ ଡକୋ, ଆମ୍ୱେଞ୍ଜି ବର୍ରନେଞେନ୍ ଅମ୍ଡଙ୍ବା; ମନ୍ରାନ୍ ଆଗନବ୍ରୟ୍ ଡ ନିନ୍ଣ୍ତୟଞ୍ଜି ବତଙ୍ଡଙ୍ବେନ୍ତଡ୍ । ଅଡ଼େ ନିଣ୍ତୟ୍ଲୋଙନ୍ ଅଡ଼େତ୍ତେ ଅଡ଼େନେ ଏଅମ୍ମେଡଙ୍ନେ । 8 ଇନିଆସନ୍ଗାମେଣ୍ତେନ୍ ବୋବ୍ବୋଡନ୍ ଅନ୍ତମ୍ ଆସିନ୍ରିଞ୍ଜି ଜୋମ୍ତଜି ବନ୍ଡ ବୋବୋଡନ୍ ଆଉସାଲ୍ ଅନ୍ତମ୍ ଜୋମ୍ଲେ ସେତଜି । ଡରମ୍ମନ୍ ଅଃନଞିଡେ; ଅଡ଼୍କୋଡିନ୍ନାନ୍ ଅନୁରନ୍ କେଜ୍ଜାଞେଞ୍ଜି ଡାଡ଼ିଜାଙ୍ ଡକୋତଞ୍ଜି । 9 ଇସ୍ୱରନ୍ ଆବୋର୍ସାସି ବାତ୍ତେ ଡୋନ୍ନାବା ଆରି ପୁର୍ବାନ୍ ଆମ୍ମୁଙ୍ ଏଙ୍ଗାଲେ କେଜ୍ଜାବେଞ୍ଜି ଅନ୍ତମ୍ ଡୋନାବା ଏତେଲେମା ଆମ୍ୱେଞ୍ଜି ଡୋନାବା, ରାଅବନ୍ ଏଙ୍ଗାଲେ ଡେୟ୍ ଡେୟ୍ଲେ ଗଗ୍ଗଡେନ୍ ଆନା ନାଗାନ୍ଆଡଙ୍ ରବ୍ବୁଏନ୍ ତିଆତେ ପଙ୍ ଆମନ୍ତଡ୍ ? 10 ସୋଡ଼ା ସମେଁଡ୍ରାନ୍ ଆଡାଆ ଅମ୍ଞଡେନ୍, ଅନୁର୍ମରଞ୍ଜି ଆଜନିର୍ ଆସନ୍ ଜରୁ ସମେଁଡ୍ରାନ୍ଗଡ୍ ତଙ୍ରନ୍ ତୁବେନ୍, ତି ବାତ୍ତେ ଆମନ୍ତଡ୍ ପଙ୍ ? 11 ଆରି ଇସ୍ୱରନ୍ ଆବଣ୍ତିମର୍ରଞ୍ଜି ୟର୍ରତନାଜି କି ସର୍ରଡାନ୍ ବାତ୍ତେ କନନ୍ କନ୍ଲେକନ୍ଲେ ସିୟନଲୋଙନ୍ ତୁଙ୍ତାଜି; ଆଏଡ଼ର୍ ଆନିଞ୍ଜି ସର୍ରଡାତଞ୍ଜି କି ଆମଙ୍ଲୋଙ୍ଞ୍ଜି ସିଲଡ୍ ୟେୟେଡାନ୍ ଡ ଡୁକ୍କାନ୍ ସଙାୟ୍ତେ ।
12 ଇସ୍ୱରନ୍ ବର୍ତନେ ଞେନଡମ୍ ଆମ୍ୱେଞ୍ଜି ବବ୍ୟୋତବେନ୍, ଞେନ୍, ଞେନ୍ମା, ମନ୍ରାନ୍ ଆର୍ନବୁ ଏଙ୍ଗଲ୍ଜାୟ୍ ଆନିନ୍ ଅଗାବନ୍ ଅନ୍ତମ୍ ଏମ୍ମେତାୟ୍, ଏନଗୋନ୍ ଆମନ୍ରାଞ୍ଜି ଇନିଆସନ୍ ବତଙ୍ତବେନ୍, 13 ରୁଆଙନ୍ ଡ ପୁର୍ତିନ୍ ଆଜିମିତାଲ୍ ତେକ୍କେସିଲନ୍ ଆଗବ୍ଡେଲେନ୍ ଆଇସ୍ୱରନ୍ ଆମ୍ୱେନ୍ କରୋଡାଲବେନ୍, ଆନିନ୍ ବନ୍ଡ୍ରାବନ୍ ବାତ୍ତେ ପାଡୁଅମ୍ମେତବେନ୍ ଆଗ୍ରାମେନ୍ ଆଡିନ୍ନା ତମ୍ପରୁବ୍ ବତଙ୍ତବେନ୍, ଆମ୍ୱେନ୍ ଆନା ? ତି ଆବନ୍ର୍ରାବନ୍ ଅଙ୍ଗା ? 14 ବଣ୍ତିମରଞ୍ଜି ଲଜିର୍ ଅନୁରନ୍ ଞାଙ୍ତଜି; ଆରି ଆନିଞ୍ଜି ଆର୍ରବ୍ବୁଏଜି କି ଆଗାଗାନେଞ୍ଜି ଅଃନଞିଡେ ।
15 ଇନିଆସନଗାମେଣ୍ତେନ୍ ସମେଙଁଡ୍ରାନ୍ ଇନ୍ଡୋୟ୍ଡାନ୍ ବାଉଲି ଏମ୍ମେତେ ବବ୍ବ୍ରୋବ୍ତାୟ୍, ଞେନ୍ ତି ଆଇସ୍ୱର ଡକୋ; ଆଞୁମନ ଇସ୍ୱର । 16 ରୁଆଙନ୍ ଉର୍ରାସିଲନାୟ୍ ଡ ପୁର୍ତିନ୍ ଆଜିମ୍ମିତାଲ୍ ଆତ୍ରୁବେନ୍ ଆମ୍ୱେଞ୍ଜି ମନ୍ରାଞେନ୍ ଗାମ୍ଲେ ସିଅନନ୍ ବର୍ରବା ଞେନ୍ ଆମ୍ୱେନ୍ ଆଡଙ୍ ମୁକ୍କାଗଡ୍ଞେନ୍ ବର୍ରନେଞେନ୍ତାୟ୍ ଅସିଲୋଙ୍ଞେନ୍ ଉମ୍ମୁଲ୍ବେନ୍ ଡଙ୍ଡଙ୍ତବେନ୍ ।
17 ଏ ଜିରୁସାଲମ୍ ତନଙ୍ଲେ ଡୋନା ଆମ୍ୱେନ୍ ଇସ୍ୱରନ୍ ଆବନ୍ର୍ରାବ୍ ଆସିଲୋଙ୍ ସିଲଡ୍ ଗରାଡାନେସିମନ୍ ପାଙ୍ଲେ ଗାବା; ଆମ୍ୱେଞ୍ଜି ବନୁଲ୍ଡାଲେ ସିମ୍ମାନ୍ ବାତ୍ତେ ଗାଲେ ଏବ୍ସୁଜେତେ । 18 ଆନିନ୍ ଅଙ୍ଗା ଡାଙ୍ଗଡ଼ଅଞ୍ଜିଆଡଙ୍ କୋଡେନ୍ ତି ଅଡ଼୍କୋନ୍ ଓରୋଙ୍ଲେ ଅଃର୍ରପ୍ତିଏ; ଆନିନ୍ ଅଙ୍ଗା ପସିୟ୍ଜି ଏବନେନ୍ ତି ଅଡ଼୍କୋନ୍ ଆସିନ୍ ଞମ୍ଲେ ପାନାଙନ୍ ଆସନ୍ ଆନ୍ନିଙ୍ ତଡ୍ ।
19 କେନ୍ ବାଗୁ ବିସୟନ୍ ଆମ୍ୱେନ୍ ଆସନ୍ ଗଟେନ୍ ଆମ୍ୱେନ୍ ଆସନ୍ ଆନା ୟେୟେଡାତନ୍ ? କନ୍ତାରା,ଆରିକାନ୍, ଡୋଲେୟ୍, ରନ୍ବ୍ବୁ ଅଡ଼େ କୁଣ୍ତିନ୍ ଅମଙ୍ବେନ୍ ତୁଙ୍ଲାୟ୍, କେନ୍ଲୋଙ୍ ଞେନ୍ ଏଙ୍ଗାଲେ ସବ୍ୟୁବେନ୍ ? 20 ଜନ୍ତାଲୋଙ୍ ଆଗ୍ରତର୍ତେନ୍ ଆଲବ୍ ଅନ୍ତମ୍, ଡାଙ୍ଗାଡ଼ାଅନ୍ବେଞ୍ଜି ରାଇଃତ୍ତଜି, ଆନିଞ୍ଜି ଅଡ଼୍କୋନ୍ ଆତଙର୍ରେଙ୍ ଗୋଙ୍ଲେ ଜିର୍ରତଜି; ଆନିଞ୍ଜି ଇସ୍ୱରନ୍ ଆବନ୍ର୍ରାବ୍ ଆନିଞ୍ଜି ବନବ୍ବ୍ତଙ୍ବାତ୍ତେ ବରିୟ୍ତଜି ।
21 ତିଆସନ୍ ଏ ୟେୟେଡାବୟ୍ ଡ ଆମ୍ବେନ୍ ଦ୍ରାକ୍ୟାଡାନ୍ ଏର୍ଗନାନ୍ ବନ୍ନୁଲ୍ଲବେନ୍ ଡ ଆମ୍ବେନ୍ କେନ୍ ଆତେ ନମି ଡାଲୁଡା, 22 ଇସ୍ୱରନ୍ ଆମନ୍ରାଜି ଆସନ୍ ଆନିନ୍ ତନଙ୍ଲେ କେନ୍ ଆବର୍ରନେ ଇସ୍ୱରନ୍ ବର୍ରତନ୍, ଗିଜା, କେନ୍ ବନ୍ରାବ୍ଞେନ୍ ଆସିମ୍ମା ଆଙ୍ଗିୟ୍ଜା ଏଗାଡଙ୍ ଅସିଲୋଙ୍ଞେନ୍ ସିଲଡ୍ ତବ୍ଲେ ପାଙ୍ବା, ଆରି ଆମ୍ୱେନ୍ ଏଗାଡଙ୍; 23 ଆମ୍ବେନ୍ ଆନାଜି ଡଣ୍ଡାୟ୍ତବେଞ୍ଜି, ଆସିଲୋଙଞ୍ଜି ମା ଏତିୟ୍ବା; ଆନିଞ୍ଜି ପ୍ରାନ୍ନାବେନ୍ଆଡଙ୍ ବର୍ତଜି, ତୁଡ଼ୁମ୍ବା, ଞେନ୍ ଅମଙ୍ଗଡ୍ବେନ୍ ତଙିଲନ୍ ଏଜିର୍ତେ; ଆରି ଆମ୍ବେନ୍ ଲବନ୍ ଡ ତଙରନ୍ ଆଜିର୍ତେଞ୍ଜି ଆମନ୍ରା ଆସନ୍ କିଣ୍ତୋଙ୍ବେନ୍ ଞାତବେଞ୍ଜି ।
/images/a/Tcg2NiV7ce24OT6kCIQGR)
/images/a/-h5KPk8ct3kLpCpYm9-g6)