1 ୟୁଙ୍‌, ଏ କୋସ୍‌ ଡେସାନ୍‌ ଆଲଜି ଆ ମିୟ୍‌ତାଲ୍‌ କାପ୍ପାନ୍‌ ଆସନଡ୍ଡା ଡେସା । 2 ଆନିନ୍‌ ପାଙ୍‌ଲଙ୍‌ବର୍‌ ମରଞ୍ଜିଆଡଙ୍‌ ବର୍ରେ କୁରିଙନ୍‌ ବାତ୍ତେ ଆତୁବ୍‌ତୁବନ୍‌ ଆ ଡୋଙ୍ଗାଲୋଙ୍‌ ସମେଁୟ୍‌ଣ୍ତ୍ରା ଗଡ୍‌ ଆପ୍ପାୟେନ୍‌ । ଏ ଏଲଜିର୍‌ତେନ୍‌ ଆ ପାଙ୍‌ଲଙ୍‌ବର୍‌ମର୍‌ଜି, ଅଲଞ୍ଜି ବାତ୍ତେ ତରଙାନ୍ନା ଆଡ୍ରେନ୍‌ ଆଡେସା ମା ଆମ୍ବେନ୍‌ ୟର୍ନାବା, ଅଙ୍ଗା ଆକେଜ୍ଜାମର୍‌ଜି ଡେଙ୍ଗା ଆରି ଜଲେମ୍‌, ଅଙ୍ଗା ଆମନ୍‌ରାଜି ନମିନ୍ତାନ୍‌ ବରନ୍ତଙ୍‌ଡାନ୍‌; ଅଙ୍ଗା ଆକେଜ୍ଜାମର୍‌ଜି ଜଙ୍‌ତଜି ଡ ଞାଡାତଜି, ଅଙ୍ଗା ଆମନ୍‌ରାଜି ଡେସା ଅଲଲୋଙନ୍‌ ଆବାଗା, ଆମ୍ୱେଞ୍ଜି ଆମଙ୍‌ବାଞ୍ଜି ଇୟ୍‌ବା । 3 ଏ ଅଡ଼ାରନ୍‌ ଏଡ୍ରକୋତନ୍‌ ଆମନ୍‌ରାଜି; ଏ ପୁର୍ତିନ୍‌ ଏଡ୍ରକୋତନ୍‌ ଅଡ଼୍‌କୋନ୍‌ ଆମନ୍‌ରାଜି, ବରୁଞ୍ଜି ଆତୋଣ୍ତୁଲୋଙ୍‌ ତୋଣ୍ଡୋବରୁରେଙ୍‌ ପତକାନ୍‌ ଆତବ୍‌ନଙନ୍‌ ଆଡିଡନ୍‌ ଆମ୍ବେଞ୍ଜି ଗିୟ୍‌ବା ଆରି ପନେଡନ୍‌ ଆପ୍ରେଡ୍‌ତେଞ୍ଜି ଆଡିଡ୍‌ ଆମ୍ବେଞ୍ଜି ଅମ୍‌ଡଙ୍‌ବା । 4 ଇନିଆସନ୍‌ଗାମେଣ୍ତେନ୍‌ ପ୍ରବୁନ୍‌ ଇନ୍‌ଲେଞ୍ଜିଆଡଙ୍‌ କେନ୍‌ ଅନ୍ତମ୍‌ ବର୍ରଲେନ୍‌, "ଡାଗାଇଙନ୍‌ ମଡ଼ି ଉଙ୍‌ରୁଡନ୍‌ ଅନ୍ତମ୍‌ ଡ ଗଡ୍‌ଗଡ୍‌ନେଇଙନ୍‌ ଆଉନ୍‌ରୁଡ୍‌ ଆଡିଡ୍‌ ସିର୍ପିୟ୍‌ତିରନ୍‌ ମେଗନ୍‌ ଅନ୍ତମ୍‌ ଞେନ୍‌ ଅମଙ୍ଗାତନାୟ୍‌ ଆରି ଡରକୋନେଲୋଙ୍‌ଞେନ୍‌ ଡକୋଡାଲନ୍‌ ଗିୟ୍‌ତାୟ୍‌ । 5 ଇନିଆସନ୍‌ଗାମେଣ୍ତେନ୍‌ ଦ୍ରାକ୍ୟାନ୍‌ ତନର୍ତୁମନ୍‌ ଅନ୍‌ରଙ୍‌ଡେଏନ୍‌ ଆମ୍ମୁଙ୍‌, ତାର୍ବାଏନ୍‌ ସିଲଡ୍‌ଲ୍ଲନ୍‌ ଆରି ତାର୍ବାଲେ ଦ୍ରାକ୍ୟାଜନ୍‌ ଆରଗୁର୍ତେନ୍‌ ଆଡିଡ୍‌ ଆନିନ୍‌ କଡ଼ତିନ୍‌ ପାଙ୍‌ଲେ ଆକେଣ୍ତାରନ୍‌ ଗଡ୍‌ଲେ ସେତ୍ତଜି ଆରି ତେତ୍ତେ ଆଲାର୍ନେନ୍‌ ଆକେଣ୍ତାର୍‌ ଅଡ଼୍‌କୋନ୍‌ ଅଡ୍‌ଲେ ସେତଜି । 6 ତି ଆ ଦ୍ରାକ୍ୟାଜି ବରୁନ୍‌ ଆ ଅନ୍ତିଜି ଆରି ଜାଡ଼ିଆନ୍‌ ଆ ଜନ୍ତୁଜି ଜୋମ୍‌ତଜି । ସଙାୟ୍‌ରେଙନ୍‌ ଆଡ୍ରକୋତଞ୍ଜି ଆ ଅନ୍ତିଜି ତି ଆ ଦ୍ରାକ୍ୟାନୁବ୍‌ରେଙ୍‌ ଡାଗାଗାଜନ୍‌ ଡକୋତଞ୍ଜି ଆରି ଜାଡ଼ି ଜନ୍ତୁଞ୍ଜି ଦ୍ରାକ୍ୟାଜନ୍‌ ବାତ୍ତେ ରଙାଗାଜନ୍‌ ଡକୋତଞ୍ଜି ।"

7 ତି ଆଡିନ୍ନା ଅଙ୍ଗା ଆକେଜ୍ଜାମର୍‌ଜି ଡେଙ୍ଗା ଡ ଜଲେମ୍‌, ଆରି ନମିନ୍ତାନ୍‌ ବରନ୍ତଙ୍‌ଡାନ୍‌; ଅଙ୍ଗା ଆମନ୍‌ରାଜି ଜଙ୍‌ତଜି ଡ ଞାଡାତଜି, ଅଙ୍ଗା ଆମନ୍‌ରାଜି ଆଡେସା ଅଲନ୍‌ ବାତ୍ତେ ଆବାଗା, କେନ୍‌ ଅନ୍ତମ୍‌ ଅବୟ୍‌ ମନ୍‌ରାଞ୍ଜି ପ୍ରବୁନ୍‌ ଆଞୁମ୍‌ ଅନ୍ତମ୍‌ ଡରକୋନେ ସିଓନନ୍‌ ଅନୋରୋଙନ୍‌ ଡେତଜି ।