1 ଏ ଜିରୁସାଲମନ୍‌, ଏ ଜୁଆର୍‌ବୟ୍‌, ଏର୍‌କୋଡନ୍‌ବୟ୍‌, ଆମ୍ବେନ୍‌ କନନ୍‌ନାବା, ସୋଡ଼ା ସର୍ରଙନ୍‌ ବାତ୍ତେ ଆମ୍ବେନ୍‌ ସର୍ଡାନାବା, ଇନିଆସନ୍‌ଗାମେଣ୍ଡେନ୍‌ ଇସ୍ୱରନ୍‌ ବର୍ତନେ, ଆବିବାନେବଜନ୍‌ ଆ ଅନ୍‌ଜି ସିଲଡ୍‌ ଆକୋନ୍‌ର୍ରାସିଜନ୍‌ ଗୋଗୋୟ୍‌ । 2 ତମ୍ୱୁସିଙ୍‌ ଡରକୋନେବେନ୍‌ ଅବ୍‌ସୋଡ଼ାବା; ଆନିଞ୍ଜି ଡରକୋନେଲୋଙ୍‌ବେନ୍‌ ଆ ଡରଙ୍‌କାବ୍‌ଜି ଅଡ଼୍‌କୋନ୍‌ ଅବ୍‌ଲାଆଙ୍‌ବା; ଲୁଆଡ୍‌ବେଞ୍ଜି ଅଡ଼୍‌କୋନ୍‌ ଅବ୍‌ଡେଙ୍ଗାବା ଆରି କୁଣ୍ଟିଆଞ୍ଜି ରବ୍‌ଡୋବା । 3 ଇନିଆସନ୍‌ଗାମେଣ୍ତେନ୍‌ ଆମ୍ବେନ୍‌ ଅର୍ଜଡ଼ୋମଗଡ୍‌ ଡ ଅର୍କାବଡ଼ିଗଡ୍‌ ଗୋଗୋୟ୍‌ଲେ ଏଜିର୍ରତେ କେଜ୍ଜାବେଞ୍ଜି ଆନା ଡେସା ଅଦିକାର ଅମ୍ମେତଜି ଅଙ୍ଗସେଙ୍‌ ମନ୍‌ରା ତଡ୍‌ ଅତେସେଙ୍‌ ଗଡ଼ାଜିତୁମ୍‌ ଡର୍ରକୋନେନ୍‌ ଏତୁବ୍‌ବା ।

4 ବତଙ୍‌ ଡଙ୍‌ବେନ୍‌ ତଡ୍‌; ଇନିଆସନ୍‌ଗାମେଣ୍ତେନ୍‌ ଆମ୍ବେନ୍‌ ଗନ୍‌ରଜନ୍‌ ଏଙାଞେ । ଅଡ଼େ ଗନବ୍‌ରୟ୍‌ଡାଗୋ ଏମ୍ମେଡଙ୍‌ନେ; ଇନିଆସନ୍‌ଗାମେଣ୍ତେନ୍‌ ଆମ୍ବେନ୍‌ ଗନ୍‌ରଜନ୍‌ ଏଃଞାଙେ; ବେଣ୍ତିଆଇଙନ୍‌ ଆମ୍ବେନ୍‌ ଗନ୍‌ରଜନ୍‌ କରୋଡାତବେନ୍‌ ଆମ୍ବେନ୍‌ ଜୁଆରନ୍‌ ଆବନାସେ ଆରି ଏମନ୍ନେ । 5 ଇନିଆସନ୍‌ଗାମେଣ୍ଡେନ୍‌ ଆମ୍ବେନ୍‌ ଆନା ତୁବ୍‌ଲବେନ୍‌ ଆନିନ୍‌ ଅୟ୍‌ତବ୍‌ବେନ୍‌; ଇସ୍ୱର ଆଞୁମନ୍‌ ଡ ଇସ୍ରାଏଲ ଡରମ୍ମନ୍‌ ଅନ୍ତମ୍‌ ଆନିନ୍‌ ଅନୁର୍‌ତିୟ୍‌ମର୍‌; ଆନିନ୍‌ ଅଡ଼୍‌କୋ ପୁର୍ତିନ୍‌ ଇସ୍ୱରନ୍‌ ତୁମ୍‌ ଗାମ୍‌ଲେ ଜନାଜି । 6 ଇସ୍ୱରଲେନ୍‌ ବର୍ତନ୍‌ ଅମ୍‌ରେଙ୍‌ ଅଲନ୍‌ ତିୟ୍‌ଲେ ଡୁକ୍କାଲନ୍‌ ଆଡ୍ରକୋତନ୍‌ ଆଡୁକ୍ରିବୟ୍‌ ଅଡ଼େ ବେଣ୍ତିଆଇଙନ୍‌ ଆରମ୍‌ରେତେନ୍‌ ଆଡୁକିରିନ୍‌ ଅନ୍ତମ୍‌ ଇସ୍ୱରନ୍‌ ଆମ୍ବେନ୍‌ ଆଡଙ୍‌ ଓଡେତବେନ୍ । 7 ଞେନ୍‌ ଅସୋୟ୍‌ ଡିନ୍ନା ଆସନ୍‌ ଅମ୍‌ରେଙ୍‌ତବେନ୍‌; ବନ୍‌ଡ ସୋଡ଼ା ଡନୁଙ୍‌ୟମନ୍‌ ବାତ୍ତେ ଆମ୍ବେଞ୍ଜି ରୁକ୍କୁଲବେନ୍‌ । 8 ବନ୍‌ରାବନ୍‌ବାତେ ଅସୋୟ୍‌ ଡିନ୍ନା ଆସନ୍‌ ଅମଙ୍‌ବେନ୍‌ ସିଲଡ୍‌ ମୁକାଞେନ୍‌ ସଲାୟ୍‌; ବନ୍‌ଡ ଅଃନ୍ନଞିଡିନ୍ନାନ୍‌ଜାୟ୍‌ ସନାୟୁମନ୍‌ ଅମଙ୍‌ଲୋଙ୍‌ବେନ୍‌ ଡନୁଙ୍‌ୟମନ୍‌ ବାତ୍ତେ ଆମ୍ବେଞ୍ଜି ତିୟ୍‌ତବେନ୍‌, ଆନୁରମର୍‌ ଇସ୍ୱରନ୍‌ କେନ୍‌ ଆବର୍ନେ ବର୍ତନ୍‌ ।

9 ନଅନ୍‌ ଆଡିନ୍ନାଇଙ୍‌ ଏଙ୍ଗାଲେ ଡାଆନ୍ ବରିଜେନ୍‌ ତି ଅନ୍ତମ୍‌ ଞେନ୍‌ ଆଡିଡ୍‌ ଏଃନେଗୋ; ନଅନ୍‌ ଆଡିନ୍ନାଇଙ୍‌ ଏଙ୍ଗାଲେ ପୁର୍ତିନ୍‌ ଡାଆନ୍‌ତୁମ୍‌ ଡେଲୋ ଗାମ୍‌ଲେ ଞେନ୍‌ ପର୍ମାଡ଼ାଲନାୟ୍‌, ଅଡ଼େ ଆମ୍ବେନ୍‌ ଆଡିଡ୍‌ ବରାବ୍‌ଲନ୍‌ ଆଙ୍ଗିୟ୍‌ ଡାଆନ୍‌ ବାତ୍ତେ ଅଃନବ୍‌ଗୁରୁଡେବେନ୍‌ ଗାମ୍‌ଲେ ଞେନ୍‌ ପର୍ମାଡ଼ାତନାୟ୍‌ । 10 ଇସ୍ୱରନ୍‌ ଆମ୍ବେନ୍‌ ଆଡଙ୍‌ ଏଙ୍ଗାଲେ ଡୁଙ୍‌ୟଙ୍‌ଲବେନ୍‌ ଆନିନ୍‌ କେନ୍‌ ଆବର୍ନେ ବର୍ତନ୍‌, ବରୁନ୍‌ ୟୁର୍ରନ୍‌ ଡେତନ ଡ ସନ୍ନାରାନ୍‌ ଆବରୁଜି ଗୋଙ୍‌ତେ; ବନ୍‌ଡ ଡନୁଙ୍‌ୟୁମ୍‌ଞେନ୍‌ ଅମଙ୍‌ବେନ୍‌ ଗବ୍‌ରିଲନ୍‌ ଡକୋତନ୍‌ ଇଜ୍ଜାନ୍‌ ଡେନ୍‌ ଅନସୟ୍‌ଞେନ୍‌ ଗରିଲନ୍‌ ଡକୋତନ୍‌ ।

11 ଏ ୟେଡାବୟ୍‌ ରିଙ୍ଗେତିରନ୍‌ ବାତ୍ତେ ୟୁଆଲନ୍‌ଜନଙ୍‌ ଡେନ୍‌ ବତଙ୍‌ଡଙମ୍‌, ଗିୟ୍‌ବା, ଞେନ୍‌ ମନଙ୍‌ଡ୍ରାଡମନ୍‌ ଆରେଙ୍‌ ବାତ୍ତେ ଏତବ୍‌ନଙ୍‌ବା କି ନିଡ଼ମଣିନ୍‌ ବାତ୍ତେ ଜିମିତାଲନ୍‌ ଏତୁବ୍‌ବା । 12 ଞେନ୍‌ ପଦ୍ମରାଗ ମଣିନ୍‌ ବାତ୍ତେ ମରେଲ୍‌ମେଲ୍‌ସିଙ୍‌ବେନ୍‌ ତୁବ୍‌ତାୟ୍‌, ସୁର୍ଜକାନ୍ତ ମଣିନ୍‌ ବାତ୍ତେ ଗଡ଼ାବେନ୍‌ ଆସନଙ୍‌ ଆରି ମଡ଼ଗାଡମନ୍‌ ଡ ମରଅଁୟ୍‌ଡାନ୍‌ ଆରେଙ୍‌ ବାତ୍ତେ ଅଡ଼୍‌କୋନ୍‌ ସଣ୍ଡିବେନ୍‌ ତୁବ୍‌ତାୟ୍‌ ।

13 ପସିୟ୍‌ବେଞ୍ଜି ଅଡ଼୍‌କୋନ୍‌ ଇସ୍ୱରନ୍‌ ବାତ୍ତେ ଞନଙନ୍‌ ଞାଙ୍‌ଲେ ବୁଡିନ୍‌ ଞାଙ୍‌ତଜି କି ପସିୟ୍‌ବେଞ୍ଜି ବୋର୍ସାତଜି । 14 ଆମ୍ବେନ୍‌ ଡରମ୍ମଲୋଙନ୍‌ ନଗରିତବେନ୍‌; ସଙ୍‌ଙ୍ଗାତା ମର୍‌ବେଞ୍ଜି ସରିନ୍‌ ସବ୍‌ଙାଲନ୍‌ ଡକୋନାବା ଇନିଆସନ୍‌ଗାମେଣ୍ତେନ୍‌ ଆମ୍ବେଞ୍ଜିଆଡଙ୍‌ ଆବ୍ରବ୍‌ତଙ୍‌ତବେଞ୍ଜି ଆମନ୍‌ରାଜି ସିଲଡ୍‌ ସବ୍‌ଙାନାବା ତିଆତେ ଅମଙ୍‌ବାବେନ୍‌ ଅଃଜ୍ଜିରାୟ୍‌ ।

15 ଗିୟ୍‌ବା, ମନ୍‌ରାଞ୍ଜି ରୁକୁଲନ୍‌ ଡକୋତଞ୍ଜି ବନ୍‌ଡ ଞେନ୍‌ ଆସନ୍‌ ତଡ୍‌; ଆନାଜାକିୟ୍‌ ବନେରାମର୍‌ନଞ୍ଜି ରୁକୁତଞ୍ଜି ଆନିଞ୍ଜି ଆସେତଜି । 16 ଗିୟ୍‌ବା ଲଆଙନ୍‌ ଏଙ୍ଗାଲେ ମୁଲିମର୍ରନ୍‌ ତଗୋଲୋଙନ୍‌ ଅସାଜନ୍‌ ପିଡ୍‌ଲେ ଆକାବାଡ଼ା ଆସନ୍‌ ଅତିଆରଞ୍ଜି ପମ୍‌ତେ, ତି ଅନ୍ତମ୍‌ ଞେନ୍‌ ଗଡ଼େଲାୟ୍‌ ଡ ପାଡ଼ୋ ଆସନ୍‌ ନିୟ୍‌ ଞେନ୍‌ମା ଗଡ଼େଲାୟ୍‌ । 17 ଅଙ୍ଗାଜାକିଁୟ୍‌ ଆ ଅତିଆରଜି ଆମନ୍‌ ଅମ୍‌ରେଙ୍‌ଲେ ଅଃଗଡେଲେ, ଅଡ଼୍‌କୋ ଅଲାଙନ୍‌ ପନ୍‌ସୁଆତିନ୍‌ ଆସନ୍‌ ବିରୁଦଲୋଙ୍‌ନମ୍‌ ଡୋତନେ, ଆମନ୍‌ ଆନିନ୍‌ଆଡଙ୍‌ ଅବ୍‌ଡୋସାତେ, ଇସ୍ୱରନ୍‌ କେନ୍‌ ଆବର୍ନେ ବର୍ତନେ, ଡରମ୍ମମରଞ୍ଜି ଡ ଇସ୍ୱରନ୍‌ ଆଡନେ କମ୍ୱାରିମର୍ରଞ୍ଜି ।