1 Reve Ayuba usu u damma,

2 <<Na̱ ne suru n ta̱ 'ya̱sa̱n aci

n yuwaan A̱sula̱ adanshawuya,

adama a na A̱sula̱ a lyuwa ta̱ elime acasu mu oforo

na̱ ma̱nga̱ ma̱ va̱ suru.

3 Na̱ shi a damma

n ta̱ reve uba̱ta̱ u na mee enei,

hali na ma gura rawa uba̱ta̱ wu nden ma̱ yi!

4 N shi ta̱ 'ya̱wa̱ na adanshi a̱ va̱ ya̱'a̱ yi,

reve n dammai ili i na i zuwai

n ta̱wa̱i na adanshi a̱ va̱.

5 N ciga ta̱ n reve cu'un vu usu u na

wa̱a̱ ka̱mbuwa̱ mu na̱ yi,

waru n ciga ta̱ n reve

ili i na waa damma mu.

6 A̱sula̱ nu ucira wa̱ yi suru

u to rono na̱ mu?

O'o, u ta a uwwa adanshi a̱ va̱.

7 Lo ɗa za va̱ okolo amayun a yuwan adanshi,

na amayun n reve ta̱ za vu uge'etosu u va̱

u to roco na a̱ mu za vu unusu ɗa shi, hali hali.>>

8 <<Amma ko shi na̱ n 'ya̱wa̱ asana,

wu ɗe shi,

ko na shi n 'ya̱wa̱i a̱livu,

n cina yi ɗe shi.

9 Mantsa ma na u ri o ulinga

o upasu wu ugana,

me ene yi shi.

Ana u vadalai a̱ tyo upasu wu uyagi,

ko oroci a̱yi mee ene shi.

10 Amma na̱ ne suru, A̱sula̱ e reve ta̱

ili i na yaa damatosun mu.

Nu lyungwa̱ mu,

n to uta̱ cine vu revei zinariya.

11 N kuru ta̱ ure wa̱ yi mejege

agba n ɓatsa o ure u ro shi.

12 N lyawa udammu wu una̱ wa̱ yi shi.

N soko ta̱ adanshi o una̱ wa̱ yi okolo a̱ va̱.>>

13 <<Amma a̱yi a̱ nde'en ɗa A̱sula̱,

zane ɗa o rono na̱ a̱yi?

Ili i na u cigai u yuwan,

babu zana rawai u putsayi.

14 U to shiton ili i na u foɓoi adama a̱ va̱,

waru u ta̱ ni ili a̱bunda̱ o okolo a̱yi adama a̱ va̱.

15 A̱yi ɗa i zuwai n ri e meje'en ma̱ lipu

a̱ ma̱ka̱ka̱n ma̱ yi,

na̱ n cuwan ni ili i nda suru,

n tsu uwwa ta̱ wovon.

16 A̱sula̱ a zuwa ta̱ okolo a̱ va̱ a̱ riya̱,

Mogono me Ili Suru

ma zuwa mu ta̱ mu uwwa wovon.

17 Na̱ ne suru ili i ɓa̱la̱ mu na addama a na

a̱ ka̱nda̱ruwa̱ numu nda'a shi,

ko na wo o'woi irumbu

i ɓa̱ru ta̱ esu a̱ va̱.>>