1 Reve Bilida vuma va Shuhu usu u damma,

2 <<Tsugbain za va̱ A̱sula̱ a ɗa tsu uwwa wovon wa̱ yi,

u zuwa ta̱ ili suru i da̱na̱ na asuvu nden ɗe zuva.

3 A ta gura kece oɓolo a̱ a̱soja a̱ yi?

E ekere a zane ɗa ekan a̱yi e ikanai shi?

4 Cine tsa ɗa vuma a̱ da̱na̱ za va̱ a̱ɓula̱ e ekere a̱ A̱sula̱?

Cine vuma umatsun wu ka a̱ da̱na̱ cece?

5 A̱yi ɗa nda, ko woto u ri ne ekan e ekere a̱ yi shi,

italyo'o fo a̱ ri cece e esu a̱ yi shi,

6 to, vuma gba, na wo o'woi azun a ɗa,

umatsun wu vaɗilima̱ na ri acilya!>>