Jeremias 18

कुम्हार ओर माट्टी

1 यहोवे यिर्मयाह खे एक ओर सन्देश दित्तेया। तिने बोलेया, "उठी की कुम्हारो रे कअरे जा 2 ओर मां तेती ताखे बताणा कि लोका खे क्या बोलणा ए।" 3 तेबे आऊँ कुम्हारो रे कअरे गया ओर मैं देखेया कि कुम्हार आपणे चाको पाँदे माट्टिया रे पांडे बनाणे लगी रा। 4 जो माट्टिया रा पांडा से बनाणे लगी रा था से खराब ऊईगा, तेबे तिने तिजी रा ई दूजा पांडा आपणी मर्जिया रे मुताबिक बणाईता। 5 तेबे यहोवे ये वचन माखे बोलेया, 6 ओ इस्राएलो रे लोको, यहोवा री ये वाणी ए कि एस कुम्हारो जेड़ा तुसा साथे आऊँ बी करी सकूँआ। देखो, जेड़ी माट्टी कुम्हारो रे आथो रे रओई, तिंयाँ ई ओ इस्राएलो रे कराने, तुसे बी मेरे आथो रे ए।*18:6 रोम. 9:21