Salmos 19

ጾሳይ ጽሎተ አዋ

1 ሳሎቱ ጾሳ ቦንቹዋ ሃሳዪኖነ

ሳሎቱዋ ጉፋን እ ባረ ኩሽያን ኦዳዋ አዋዬ።

2 እት ጋላሳይ የንኮ ጋላሳዉ ሄዋ ኦዴ፤

እት ቃማይካ የንኮ ቃማዉ ኤራተ ቆንጭሴ።

3 ሃሳይ ዎይ ቃላይ ባዋ፤

ኡንቱንቱ ኮሻይካ ስሰተና።

4 ግዶፐካ፥ ኡንቱንቱ ሃሳያ ኮሻይ ሳኣ ኡባን ላለቴዳ፤✝19:4 ሮመ 10:18

ኡንቱንቱ ቃላይካ ሳኣ ጋጻ ጋኬዳ።

ጾሳይ አዋይ ደእያ ሳኣ ሳሉዋን ጊግሴዳ።

5 ናሸቲደ ካረ ሶፐ ከስያ ምሽራዳን፥

ዎ ናስያዉ ጊጌዳ ዎንቻዳን፥

አዋይ ዎንታ ዎንታ ከሴ።

6 አዋይ እት ባጋ ሳሉዋ ጋጻፐ ሞኪደ፥

ሀራ ባጋ ሳሉዋ ጋጻ ጋካናስ ቤ፤

አ ሆኡዋፐ ጌምያዌ አያይነ ባዋ።

7 መና ጎዳ ህጊ ሱረ፤

ሸምፑዋ ዛሬ።

መና ጎዳይ ኦድያዌ አማነትያዋ፤

አኬካይ ፓጬዳዋንቶ ኤራተ እሜ።

8 መና ጎዳ ዎጋይ ልከ፤

ዎዛና ናሸቼ።

መና ጎዳ አዛዙ ጌሻ፤

ዎዛና ፖእሴ።