1 ବନେରାମର୍‌ଲେଞ୍ଜି ଏଙ୍ଗାଲେଜାକିଁୟ୍‌ଡେନ୍‌ ଅସେଡ୍‌ତଜି, ଆନିଞ୍ଜିଆଡଙ୍‌ ଆନ୍ନିଙ୍‌ ଅଃଜ୍ଜୁରୁଲଜି କି ଅଃନବ୍‌ସେଲଜି ଜାକିଁୟ୍‌ଡେନ୍‌ ଆନିଞ୍ଜି ଜୁରୁମର୍‌ଜି ଆରି ଅନବ୍‌ସେଡ୍‌ ମର୍‌ଜି । ବନ୍‌ଡ ଆନିଞ୍ଜିଆଡଙ୍‌ ଜନୁରୁନ୍‌ ଡ ଅନବ୍‌ସେଡନ୍‌ ଆବେଡ଼ା ଅଡ଼ୋଲାୟ୍‌, ଆରି ଆନିଞ୍ଜି ଆନିଞ୍ଜିଡମ୍‌ ଜୁରୁତଞ୍ଜି ଆରି ଅଲ୍‌ନବ୍‌ସେତଜି ।

2 ଏ ପ୍ରବୁ, ଞେନ୍‌ଆଡଙ୍‌ ସାୟୁମ୍‌ଲେନ୍‌ । ଞେନ୍‌ ଅମଙ୍‌ନମ୍‌ ଏଆସାତନାୟ୍‌ । ଅଡ଼୍‌କୋ ଡିନ୍ନାନ୍‌ ଞେନ୍‌ଆଡଙ୍‌ ଡଙ୍‌ଡଙ୍‌ଲେନ୍‌ ଆରି ବରନ୍ତଙନ୍‌ ଆଜିର୍ତାଞନ୍‌ ଆଡିଡ୍‌ ଡନୋବ୍‌ମର୍‌ଲେନ୍‌ ଅନ୍ତମ୍‌ ଡେଆ । 3 ଆମନ୍‌ ଡନେମର୍‌ଲେନ୍‌ ଡେଲେ ଅଲ୍‌ଜୁଜ୍ଜେଏଣ୍ଡେନ୍‌ ଆନ୍ନା ଡେସାବାଜି ପିରିଙ୍‌ପାଡାନ୍‌ ଡେତଜି, ଅଲ୍‌ଜୁଜ୍ଜେନ୍‌ ଆସନଡ୍ଡା ତୁୟାୟ୍‌ସିଲଡ୍‌ ବନେରା ଜାତିଲେଞ୍ଜି ଅମ୍‌ଡଙେଞ୍ଜିଡେନ୍‌ ଜିରାୟ୍‌ତଜି । 4 ଆରି ଏଙ୍ଗାଲେ ପପ୍ପରନ୍‌ ତର୍ତୁମ୍‌ତେ ତିଅନ୍ତମ୍‌ ଜନୁରୁ ଜିନିସବେଞ୍ଜି ତର୍‌ତୁମ୍‌ତଜି, ଏଙ୍ଗାଲେ ପପ୍ପରଞ୍ଜି ଏଙ୍‌ତଜି ତିଅନ୍ତମ୍‌ ମନ୍‌ରାଞ୍ଜି ଜନୁରୁ ଜିନିସଲୋଙନ୍‌ ଏଙ୍‌ତଜି ।

5 ଇସ୍ୱରନ୍‌ ଡିଅଙ୍ଗା ଆସୋଡ଼ା, ଆନିନ୍‌ ସମ୍ପରାନ୍‌ ଆ ବର୍ନେନ୍‌ତୁମ୍‌ ଗଡେଲ୍‌ତେ । ଆନିନ୍‌ ଜିରୁସାଲମନ୍‌ ଆଜାଡ଼ିନ୍‌ ଡ ଡରମ୍ମନ୍‌ ବାତ୍ତେ ଜାତିମରଞ୍ଜି ଗବ୍‌ରିଲେ ତିୟ୍‌ତଜି । 6 ଆନିନ୍‌ ଅଡ଼୍‌କୋ ଡିନ୍ନାନ୍‌ ଆମନ୍‌ରାଞ୍ଜିଆଡଙ୍‌ ଆସନ୍‌ ଡଙ୍‌ଡଙ୍‌ଲେ ଆନିଞ୍ଜିଆଡଙ୍‌ ଗିଆନନ୍‌ ଡ ବୁଡ୍ଡିନ୍‌ ଆଗ୍ରୋଗୋଜେନ୍‌ ଆସନ୍‌, ଇସ୍ୱରନ୍‌ ଆବର୍ନେ ମନାନ୍ନେନ୍‌ ମା ଆ ଡରକ୍କୋସିଙଞ୍ଜି ।

7 ଗିୟ୍‌ବା ଆ ବୋର୍ସାମରଞ୍ଜି ସନାୟୁମନ୍‌ ଆସନ୍‌ କାକୁର୍ତିତଞ୍ଜି । ରାଜିନାମାନ୍‌ ଆସନ୍‌ ଅନପ୍ପୁଙ୍‌ବର୍‌ମରଞ୍ଜି ଡାକ୍ରାନ୍‌ ୟେୟେଡାତଞ୍ଜି । 8 ଲଆଙ୍‌ରୋତରେଙନ୍‌ ଆରିଙ୍‌ରିଙ୍‌ ଡକୋତନ୍‌ ଆରି ବରନ୍ତଙନ୍‌ ଡେତେ । ରାଜିନାମାନ୍‌ ଆଲ୍ଲେଏଞ୍ଜି ଆରି ସାକିନ୍‌ ଅଡ଼୍‌କୋନ୍‌ ଅଃମାନେଲଜି ଆନ୍ନିଙ୍‌ଆଡଙ୍‌ ଅଃମାନେଲଜି । 9 ବସେଙଞ୍ଜି ଏର୍‌ନରନ୍‌ ଆ ପଡ଼ିଆ ଗଡେଲେନ୍‌ । ଲିବାନୋନନ୍‌ ଆଜାଡ଼ିଆ ଅଡ଼୍‌କୋନ୍‌ ଅସରାଜେନ୍‌, ସାରୋଣଲୋଙନ୍‌ ଆରେଲ୍‌ତେନ୍‌ ଆଗର୍ଡ ସର୍ଡିଲନ୍‌ ଅନ୍ତମ୍‌ ଗଡେଲେନ୍‌ ।

10 ପ୍ରବୁନ୍‌ ଗାମେନ୍‌, "ଞେନ୍‌ ନମି କାବ୍ବାଡ଼ାଞେନ୍‌ ସୁସୁତାୟ୍‌ । ଞେନ୍‌ ଡିଅଙ୍ଗା ଆବୋର୍ସା ତିଆତେ ଆମ୍ବେଞ୍ଜିଆଡଙ୍‌ ଅବ୍‌ତୁୟ୍‌ତବେନ୍‌ । 11 ଅଃଗଡେଲେନ୍‌ ଆନିଃୟମ୍‌ଜି ଆମ୍ବେନ୍‌ ଏଇଃୟମ୍‌ତେ ଆରି ଅଡ଼୍‌କୋନ୍‌ ଆବର୍ନେଜି ଆସନ୍‌ ଇନ୍ନିଙ୍‌ ବରାଁୟ୍‌ବାଁୟ୍‌ତଡନ୍‌ ଆକାବାଡ଼ା ଆମ୍ବେନ୍‌ ଏଲୁମ୍‌ତେ । ପୁରାଡ଼ାଞେନ୍‌ ତଗୋନ୍‌ ଅନ୍ତମ୍‌ ତିଆତେ ଆମ୍ବେଞ୍ଜିଆଡଙ୍‌ ଅବ୍‌ସେତବେନ୍‌ । 12 ସୁନ୍ନନ୍‌ ଆତନୁବ୍‌ ଆସନ୍‌ ଆସରେୟ୍‌ତନ୍‌ ଆରେଙ୍‌ ଅନ୍ତମ୍‌ ଆମ୍ବେନ୍‌ ଜୁମ୍‌ତୋତବେନ୍‌, ଅବ୍ବାଙନ୍‌ ତଗୋଲୋଙନ୍‌ ଜୁମ୍‌ତ୍ତୋଲେ ଆକ୍ରୋମାବ୍‌ତେନ୍‌ ଅନ୍ତମ୍‌ ଡେତଜି । 13 ଞେନ୍‌ ଇନି ଲୁମ୍‌ଲାୟ୍‌ ତିଆତେ ଅମ୍‌ଡଙ୍‌ଡାଲେ ତୁୟାୟ୍‌ ଅଡ଼େ ସଙାୟ୍‌ ଆଡ୍ରକୋତଞ୍ଜି ଆମନ୍‌ରାଜି ବୋର୍ସାଞେନ୍‌ ଅବ୍‌ଜନାବାଜି ।"

14 ସିଓନନ୍‌ ଆ ଇର୍ସେମର୍‌ଜି ବନ୍ତଙନ୍‌ ବାତ୍ତେ ତକର୍‌ତଜି । ଆନିଞ୍ଜି ଗାମେଞ୍ଜି, "ଇସ୍ୱରନ୍‌ ଆପନ୍‌ସୁଆତି ଆଏଡ଼ର୍‌ ଆଡୁଡୁତୋଡନ୍‌ ଅନ୍ତମ୍‌ ଡକୋତନ୍‌ । ଇନ୍‌ଲେଞ୍ଜିଲୋଙ୍‌ ସିଲଡ୍‌ ଆନ୍ନିଙ୍‌ ଅଡ଼ୁର୍ରେ ରପ୍ତିତବୋ ପଙ୍‌ ?" 15 ଆନା ଡରମ୍ମଗଡନ୍‌ ଞାତନେ ଆନିନ୍‌ ଅଡ଼ୁର୍‌ତେ ଆରି ଆଜାଡ଼ି ବରନ୍‌ ବର୍ତନେ । କାକୁର୍ତିମରଞ୍ଜି ଆମଙ୍‌ସିଲଡ୍‌ ଲୁମ୍‌ତାୟ୍‌ ଗାମ୍‌ଲେ ତଙ୍କାନ୍‌ ଅଃପାଙେ । ରନବ୍ବୁନ୍‌ ଆସନ୍‌ ଆନିୟମ୍‌ ବରନ୍‌ ଏର୍‌ନମ୍‌ଡଙନ୍‌ ଡକୋତନ୍‌ ଆରି ଗନିୟ୍‌ମଡନ୍‌ ବାତ୍ତେ ପରାନ୍‌ସାତିନ୍‌ ଆକାବ୍ବାଡ଼ା ଲନୁମନ୍‌ ଆସନ୍‌ ଅଃଡର୍ରନ୍‌ । 16 ଏତ୍ତେଲ୍‌ଡେନ୍‌ ଆମ୍ବେନ୍‌ ଏରାମ୍ମୁୟ୍‌ ଏଡକୋତନ୍‌; ଅବୟ୍‌ ମନେଲ୍‌ମେଲ୍‌ ସିଙନ୍‌ ଏଡ୍ରକୋତନ୍‌ ଅନ୍ତମ୍‌ ଡନୋବନ୍‌ ଏଞାଙ୍‌ତେ । ଜୋମ୍‌ଜୋମନ୍‌ ଡ ଗାଗାନ୍‌ ଆସନ୍‌ ଗୋଗୋୟ୍‌ ଏଞାଙ୍‌ତେ ।

17 ଅମଡ୍‌ବେନ୍‌ ରାଜାନ୍‌ଆଡଙ୍‌ ଆମନନଙନ୍‌ ବାତ୍ତେ ଗିୟ୍‌ତେ ଆରି ସଙାୟ୍‌ ଡେସାନ୍‌ ଗିୟ୍‌ତେ । 18 ବଡେସା ପାନ୍ନୁବେଡ୍‌ମରନ୍‌ ଡ ମରେଲ୍‌ସିଙନ୍‌ ଆ ମନେଲ୍‌ମେଲ୍‌ମରଞ୍ଜି ଆବନ୍ତଙ୍‌ ତୁମ୍‌ ଅବୟ୍‌ ମନନ୍ନେନ୍‌ ରଏତେ । 19 ଆମ୍ବେନ୍‌ ଅଃଜ୍ଜନାବେନ୍‌ ଆଲଙ୍‌ଲଙନ୍‌ ଆବର୍ରଞ୍ଜି ଅବୟ୍‌ ପେଲ୍ଲା ବଡେସାବାଜିଆଡଙ୍‌ ଆମ୍ବେନ୍‌ ଆରି ଗିୟ୍‌ଲେ ଏରପ୍ତିଏଜି । 20 ମଡ଼ିର୍‌ ସବାନ୍‌ ଆଡ୍ରକୋନେ ସିଓନ ଗଡ଼ାନ୍‌ ଗିୟ୍‌ବା, ତି ଆଗଡ଼ାଲୋଙ୍‌ ଇନ୍‌ଲେଞ୍ଜି ଡରମ୍ମପୁରନ୍‌ ପାଡ଼େଲବୋ । ଜିରୁସାଲମ୍‌ ଗଡ଼ାନ୍‌ ଗିୟ୍‌ବା, ତେତ୍ତେ ଆମ୍ବେନ୍‌ ଏରାମ୍ମୁୟ୍‌ ଏଡକୋତନ୍‌, ତି ଆତମ୍ବୁ ନଗରି ଆଡ୍ରକୋତନ୍‌ ଅନ୍ତମ୍‌, ଅଙ୍ଗା କୁଣ୍ଟିଆଜି ଅଡ଼୍‌କୋନ୍‌ ଅପ୍ପାଡ଼ୋନେ ଆରି ଲୁଆଡଞ୍ଜି ଅଃନତଡେ । 21 ତେତ୍ତେ ଇସ୍ୱରନ୍‌ ଆବୋର୍ସା ଞେନ୍‌ ସରିନ୍‌ ଡକୋତନ୍‌ । ଞେନ୍‌ ଲାଆଙ୍‌ ଅଲଞ୍ଜି ଡ ଡରୁଙ୍‌ନେଡାନ୍‌ ଆ ପରେପେଡାଜଙ୍‌ରେଙନ୍‌ ଡକୋତମ୍ବୋ, ବନ୍‌ଡ ଅନ୍ନିଙ୍‌ ଆବନେରାମର୍‌ଜି ଜାଜ୍ଜଲୋଙନ୍‌ ଅତିସେଙ୍‌ ଅଃଜ୍ଜିରାୟ୍‌ । 22 ଇନିଆସନ୍‌ଗାମେଣ୍ଡେନ୍‌ ପ୍ରବୁନ୍‌ ପନ୍‌ସୁଆତିମର୍‌ଲେନ୍‌, ବନାଁୟ୍‌ବର୍‌ମର୍‌ଲେନ୍‌, ରାଜାଲେନ୍‌, ଆରି ଆନିନ୍‌ ଞେନ୍‌ଆଡଙ୍‌ ଅନୁରନ୍‌ ତିୟ୍‌ତିୟ୍‌ଲଙ୍‌ତନ୍‌ । 23 ଡରଙ୍‌ରିଙ୍ଗେକାବ୍‌ ଲୁଡଞ୍ଜି ବଲାୟାଜେନ୍‌, ଆରି ଡୋଙ୍ଗାନ୍‌ ମୋତନେ ଡରଙ୍‌ରିଙ୍ଗେକାବନ୍‌ ତାବ୍‌ରୁଜେନ୍‌, ଆବନେଡ଼ା ଗୋଗୋୟ୍‌ ଜୁରୁ ଜିନିସଞ୍ଜି ଅଡ଼୍‌କୋନ୍‌ ବନାଗାନ୍‌ ଡେଏନ୍‌ ଆସୋତ୍ତାମରନ୍‌ ନିୟ୍‌ ଞିଡବେନ୍‌ । 24 ଡେସାଲୋଙ୍‌ଲେନ୍‌ ଆନ୍ନିଙ୍‌ ଆରି ଅସୁତିଁୟ୍‌ ଗାମ୍‌ଲେ ଅଃବ୍ବର୍ନେଜି, ଆରି ସିଓନଲୋଙନ୍‌ ଆଡ୍ରକୋତଞ୍ଜିଆମନ୍‌ରାଜି ଆଇର୍ସେ କେମାନ୍‌ ତନିୟନ୍‌ ଡେତେ ।