1 ମନଙ୍‌ବର୍‌ଞେନ୍‌ ଆନା ଡର୍ରତନେ ଡ ଇସ୍ୱରନ୍‌ ଆସି ଆନା ଆମଙ୍‌ବା ଞାଙ୍‌ତେ ? 2 ଆନିନ୍‌ ଆଗିନିୟ୍‌ଗିୟ୍‌ଲୋଙନ୍‌ ଅବୟ୍‌ ତଲିନ୍‌ସିଙନ୍‌ ଅନ୍ତମ୍‌ ଡ ଆସର୍‌ଲୋଙନ୍‌ ଆଡ୍ରୁଙ୍‌ତନାୟନ୍‌ ଆଜଡ୍‌ ଅନ୍ତମ୍‌ ସୋଡ଼ାଏନ୍‌; ଆମନଙନ୍‌ ଇଡ୍‌ନିଙ୍‌ତଡ୍‌ ଆରି ଆନିନ୍‌ ଗିୟ୍‌ଲେ ଇନ୍‌ଲେଞ୍ଜି ଅବ୍‌ସର୍ରଡାନ୍‌ ଆସନ୍‌ କେନ୍‌ ଅନ୍ତମ୍‌ ମନଙ୍‌ତଡ୍‌ । 3 ଆନିନ୍‌ କେନ୍‌ ମନ୍‌ରାଞ୍ଜି ଆଡଙ୍‌ ଅମ୍‌ରେଙ୍‌ତେ ଆନା ୟେୟେଡାତନ୍‌ ଅଡ଼େ ଅମୁସୁକ୍କାଲନ୍‌ ଡକୋତନ୍‌ ଆରି ଅଙ୍ଗା ମନ୍‌ରା ଆମୁକାନ୍‌ ୟୁମ୍‌ତେ, ଏନ୍ନେଗନ୍‌ ଆମନ୍‌ରାଞ୍ଜି ଆନିନ୍‌ ଅମ୍‌ରେଙ୍‌ତେ,ଆରି ଇନ୍‌ଲେଞ୍ଜି ଆନିନ୍‌ ଆଡଙ୍‌ ଏମାନ୍ନେଲାୟ୍‌ ।

4 ଆଜାଡ଼ିଡମ୍‌ ଆନିନ୍‌ ଅଡ଼୍‌କୋ ଅସୁବବ୍ବ୍‌ମଲେଞ୍ଜି ଆନିନ୍‌ ବୋୟେନ୍‌ କି ବୟ୍‌ତ୍ତାୟ୍‌ଲେନ୍‌ ଇନ୍‌ଲେଞ୍ଜି ଆସନ୍‌ ପନାରାନ୍‌ ଞାଙେନ୍‌ । ଏଲେଜନଙ୍‌ ଡେନ୍‌ ଇସ୍ୱରନ୍‌ ଞେନ୍‌ ଆସନ୍‌ ସନମନ୍‌ ଡ ଡୁକ୍କନ୍‌ ଞାଙେନ୍‌ ଗାମ୍‌ଲେ ଏମାନ୍ନେଲାୟ୍‌ । 5 ବନ୍‌ଡ ଅଡରମ୍ମଲେଞ୍ଜି ଆସନ୍‌ ଆନିନ୍‌ଆଡଙ୍‌ ସନମନ୍‌ଞାଙେନ୍‌ ପାରାଜେନ୍‌ ଡ ଇର୍ସେଲେନ୍‌ଞ୍ଜି ଆସନ୍‌ ଆନିନ୍‌ ଲବ୍‌ତିଲନ୍‌; ସନ୍‌ୟୁଲେନ୍‌ ଆସନ୍‌ ଆନିନ୍‌ ଡୁକ୍କା ଞାଙେନ୍ କି ତନିଡନ୍‌ ଆଞରାଙେନ୍‌ ଆସନ୍‌ ଞେନ୍‌ ମନଙ୍‌ଡେଲାୟ୍ । 6 ଇନ୍‌ଲେଞ୍ଜି ମେଣ୍ତାନ୍‌ ଅନ୍ତମ୍‌ ଆନାଗଡ୍‌ ଡେଲାୟ୍‌ କି ଇନ୍‌ଲେଞ୍ଜି ରମ୍ମଙ୍‌ ରମ୍ମଙ୍‌ ଆତଙର୍‌ ଏୟର୍ରନାୟ୍‌; ଆରି ଇସ୍ୱରନ୍‌ ଅଡ଼୍‌କୋନ୍‌ ଆଇର୍ସେ ଆସନ୍‌ ଆନିନ୍‌ ତୁମ୍‌ଞାଙେନ୍‌ ।

7 ଆନିନ୍‌ ରନୁମ୍‌ପେଲନ୍‌ ଡନୁନ୍ନସେନ୍‌ ଞାଙେଞନ୍‌ ଜନଙ୍‌ଡେନ୍‌ ଆନିନ୍‌ ଲବ୍‌ଗଃଡମ୍‌ଲନ୍‌ ଡକୋଡାଲନ୍‌ ଇନ୍ନିଙ୍‌ ଅଃଜ୍ଜାଲଙ୍‌ଲନେ, ରନବ୍ବୁନ୍‌ ଆପ୍ରାଙ୍‌ତେଞ୍ଜି ଆ ଅମେଣ୍ତାନ୍‌ ଅନ୍ତମ୍‌, ଉପ୍ପୁରନ୍‌ ଆକ୍ରାର୍‌ତେଞ୍ଜି ଆ ମନ୍‌ରାଜି ଆମୁକ୍କା କଡ଼ିଙ୍‌ଲେ ଆଡ୍ରକୋତନ୍‌ ଆ ମେଣ୍ଡା ଅନ୍ତମ୍‌ ଆନିନ୍‌ କଡ଼ିଙ୍‌ଲେ ଡକୋଲନ୍‌ । 8 ଆନିନ୍‌ ରନୁମ୍‌ପେଲନ୍‌ ଡନୁସେନ୍‌ ଡ ପନ୍‌ସୁଆତିନ୍‌ ବାତ୍ତେ ସବ୍‌ଙାୟ୍‌ଲନ୍‌ କି ଆମେଙ୍‌ମର୍ରଞ୍ଜି ଡେସାଲୋଙ୍‌ ସିଲଡ୍‌ ଆନାଲନ୍‌, ତିଆବେଡ଼ାଇଙ୍‌ କେନ୍‌ ବାତ୍ତେ ଅଙ୍ଗା ମନ୍‌ରାନ୍‌ ଇୟ୍ୟମେନ୍‌ ? ମନ୍‌ରାଲେଞ୍ଜି ଆଇର୍ସେ ଆସ‌ନ୍‌ ଆନିନ୍‌ ତନିଡନ୍‌ ଞାଙେନ୍‌ । 9 ଆନିନ୍‌ ଇନ୍ନିଙ୍‌ ପେଲ୍ଲା କାବ୍ବାଡ଼ାନ୍‌ ଅଲୁମ୍‌ଲୋ ଜନଙ୍‌ଡେନ୍‌ ଆମ୍ମୁକାଲୋଙନ୍‌ ସିଲଡ୍‌ ଇନିଙ୍‌ଜା ବନ୍‌ରାବ୍ବନ୍‌ ଅଡ୍‌କୋଲନ୍‌ ଅଡ଼େ ବନେରାମର୍ରଞ୍ଜି ବୟନ୍‌ ଆନିନ୍‌ ମସାନିଲୋଙନ୍‌ ତନିଲନ୍‌ ଡେଲୋ କି ରନ୍‌ବ୍ବୁଲୋଙନ୍‌ ଆନିନ୍‌ ଗମାଙ୍‌ମର୍‌ଗୋଡେଲୋ ।

10 ଏଲେଜନଙ୍‌ଡେନ୍‌ ଇସ୍ୱରନ୍‌ ଆନିନ୍‌ ଲବ୍‌ତିନେନ୍‌ ଆସନ୍‌ ଅଡ଼େନ୍‌; ଆନିନ୍‌ ଡୁକ୍କନ୍‌ ତିଏନ୍‌ ଆମନ୍‌ ଆପ୍ରାନ୍ନାନ୍‌ ଇର୍ସେନ୍‌ ଆନମଙ୍‌ ଞାଙ୍‌ତେ, କେନ୍‌ ଆତେ ଆକେଜ୍ଜାଞ୍ଜି ଗିୟ୍‌ତେ,ଗୋଗୋୟ୍‌ ବର୍ସେଙ୍‌ ଅବ୍‌ମେଙ୍‌ତେ କି ଇସ୍ୱରନ୍‌ ଆସିଲୋଙ୍‌ ମଡ଼ିର୍‌ଡେତେ ।

11 ଆନିନ୍‌ ଆପ୍ରାନ୍ନା ଆବତା ଗିୟ୍‌ଲେ ସର୍ଡାତେ; ଆଡରମ୍ମନ୍‌ ଡ ଆବୁଡି ବାତ୍ତେ ଗୋଗୋୟ୍‌ମନ୍‌ରାଞ୍ଜି ଡରମ୍ମନ୍‌ ତିୟତେ କି ଆଇର୍ସେଞ୍ଜି ଆନିନ୍‌ ବୋୟ୍‌ତେ । 12 କେନ୍‌ ଆସନ୍‌ ସୋଡ଼ାବର୍ରନେ ଆଡଙ୍‌ ଡ ବୋର୍ସାମରଞ୍ଜି ଆମଙ୍‌ବା ରନୁଜନ୍‌ ବାତ୍ତେ ଆନିନ୍‌ ବନ୍ତାଲେ ପାଙ୍‌ତେ; ଇନିଆସନ୍‌ଗାମେଣ୍ତେନ୍‌ ରନ୍‌ବୁନ୍‌ ଆସନ୍‌ ଆପ୍ରାନ୍ନାନ୍‌ ତିଏନ୍‌ ଡ ଏର୍‌ଡରମ୍ମମରଞ୍ଜି ବାତ୍ତେ ଆନିନ୍‌ ଗୋଗୋୟ୍‌ ଡନିଡିନ୍‌ ଡେନ୍‌, ବନ୍‌ଡ ଗୋଗୋୟ୍‌ ମନ୍‌ରାଞ୍ଜି ଆଇର୍ସେ ବୋୟେନ୍‌ ଡ ଏର୍‌ଡରମ୍ମମରଞ୍ଜି ଆସନ୍‌ ପାର୍ତନାଲନ୍‌ ।