ଜିସା 31

ମାହାପୂରୁ ଜିରୁସାଲମତି ଗେଲ୍‌ପିନାୟି

1 ଆମ୍ବାଆରି ସା଼ୟେମି ତାକି ମିସରତା ହାନେରି ଅ଼ଡ଼େ ଗ଼ଡ଼ାୟାଁଣି ବା଼ର୍ସୁ କିନେରି ଇଞ୍ଜାଁ ରାତାୟାଁ ହା଼ରେକା ଆ଼ତାକି, ଅ଼ଡ଼େ ଗ଼ଡ଼ାୟାଁ ଲାକ ହ଼ନାରି ହା଼ରେକା ବା଼ଡ଼୍‌ୟୁ ଆ଼ତାକି ଏ଼ୱାରି ମୁହେଁ ନାମିନେରି; ସାମା ଇସ୍ରାୟେଲତି ଦାର୍ମୁ ଲେହେଁ ତାଣାଇଁ ସିନିକିଅରି, କି ପ୍ରବୁଇଁ ପାରଅରି, ଏ଼ୱାରି ଡଣ୍ତ ବେଟାଆ଼ନେରି! 2 ଆ଼ତିଜିକେଏ ଏ଼ୱାସି ବୁଦିଗାଟାସି ଅ଼ଡ଼େ ଏ଼ୱାସି ଦୁକୁଆ଼ୱି କିନେସି, ଇଞ୍ଜାଁ, ତାନି ବ଼ଲୁ ଉଜେଏ କିଅସି; ସାମା ଏ଼ୱାସି ଲାଗେଏ କାମା କିନାରି କୂଡ଼ା କ଼ପାଟି ଅ଼ଡ଼େ ଲାଗେଏ କାମାତା ସା଼ୟେମି କିନାରି କ଼ପାଟି ନିଙ୍ଗିନେସି।