Isaías 4

1 ଏ଼ ଦିନା ସା଼ତା ଜା଼ଣା ଆୟାସିକା ର଼ ଆ଼ବାଟିଇଁ ଆସାହାଁ ଏଲେଇନୁ, "ମା଼ମ୍ବୁ ମା଼ ରା଼ନ୍ଦା ତିନମି ଅ଼ଡ଼େ ମା଼ ବାସ୍ତେରି ହୁଚିନମି; ୱାର୍‌ଇ ନୀ ଦ଼ରୁତା ମା଼ମ୍ବୁ ୱେ଼ଙ୍ଗିନମି; ନୀନୁ ମା଼ ଲାଜା ହେକ କିୟାମୁ।"

ଜିରୁସାଲମ ୱେଣ୍ତେ କିନାୟି

2 ଏ଼ ଦିନା ଇସ୍ରାୟେଲ ବିତ୍ରା ନୀଡାମାନି ଲ଼କୁ ତାକି ପ୍ରବୁତି କମା*4:2 ପ୍ରବୁ ତା଼ଣାଟି ଆ଼ଚ୍‌ୱି ଆ଼ହାମାନି ମାଣ୍‌ସି/ମସିହା ଅ଼ଜିତାୟି ଅ଼ଡ଼େ ଗା଼ୱୁରମି ଆ଼ନେ, ଅ଼ଡ଼େ ଦେ଼ସାତି ପା଼ଡ଼େୟି ହେତାୟି ଅ଼ଡ଼େ ରା଼ହାଁତାୟି ଆ଼ନେ। 3 ଇଞ୍ଜାଁ, ପ୍ରବୁ ଏଚିବେ଼ଲା ବିଚାରାକିନି ନେହିଁ ଜୀୱୁ ଅ଼ଡ଼େ ୱେନି ଜୀୱୁ ତଲେ ସିୟନତି ମା଼ସ୍‌କାତି ପୀଙ୍ଗା ନର୍‌ନେସି ଅ଼ଡ଼େ ଜିରୁସାଲମ ବିତ୍ରାଟି ଏମ୍ବାତି ନେତେରି ହେକ କିନେସି। 4 ଏଚିବେ଼ଲା ସିୟନାତା ନୀଡାମାନେରି ଅ଼ଡ଼େ ଜିରୁସାଲମତା ଡ଼ୟିନେରି, ଇଚିହିଁ, ଜିରୁସାଲମତି ନୀଡାମାନି ଲ଼କୁ ବିତ୍ରା ବାରେତି ଏମିନି ଦ଼ରୁ ରା଼ସ୍‌କି ଆ଼ନେ, ଏ଼ୱାରି ସୁଦୁ ଇଞ୍ଜିଁ ୱେ଼ଙ୍ଗିନେରି। 5 ଅ଼ଡ଼େ, ପ୍ରବୁ ସିୟନ ହ଼ରୁତି ବାରେ ବାସାଟା଼ୟୁ ଅ଼ଡ଼େ ତାନି ବାରେ ଲ଼କୁ କୂଡ଼ାଆ଼ନି ତା଼ଣା ମାଦେନା ହା଼ଗୁ ଅ଼ଡ଼େ ବ଼ୟିଁ, ଅ଼ଡ଼େ ଲା଼ଆଁୟାଁ ଡ଼ୀଞ୍ଜିମାନି ହିଚୁତି ଉଜେଡ଼ି କିନେସି; ଇଚିହିଁ ବାରେ ଉଜେଡ଼ିତା ଲେ଼ଞ୍ଜୁତି ତାର୍ହାଣା ଆ଼ନେ। 6 ଇଞ୍ଜାଁ, ମାଦେନା କାରା ବେ଼ଲାତି ସା଼ୟିଁ ତାକି, ଅ଼ଡ଼େ ଗା଼ଲି ଅ଼ଡ଼େ ପିୟୁଟି ଜ଼ମାଲି ଅ଼ଡ଼େ ଗେଲ୍‌ପିନି ଟା଼ୟୁ ଲେହେଁ ର଼ ବାସା ଟା଼ୟୁ ଆ଼ନେ।