ଜିସା 60

ଇସ୍ରାୟେଲତି ୱା଼ନି ଦିନାତି ଗା଼ୱୁରମି

1 ନିଙ୍ଗାଦୁ, ଉଜେଡ଼ି ଆ଼ଦୁ, ଇଚିହିଁ ମୀ ଉଜେଡ଼ି ଏଜାମାଞ୍ଜାନେ

ଅ଼ଡ଼େ ପ୍ରବୁତି ଗା଼ୱୁରମି ମୀ ଲାକ ଆ଼ଡାମାଞ୍ଜାନେ।

2 ଇଚିହିଁ, ମେହ୍‌ଦୁ, ଆନ୍ଦେରି ଦାର୍‌ତିତି ପ୍ଡିକ୍‌ହାମାନେ

ଅ଼ଡ଼େ କା଼ଡ଼କି ଆନ୍ଦେରି କୂଡ଼ାତି ଲ଼କୁଣି ପ୍ଡିକ୍‌ନେ;

ସାମା ମୀ ଲାକ ପ୍ରବୁ ଉଜେଡ଼ି ଆ଼ନେସି ଅ଼ଡ଼େ ତାନି ଗା଼ୱୁରମି ମୀ ଲାକ ତ଼ଞ୍ଜାଆ଼ନେ।

3 ଇଞ୍ଜାଁ, ଏଟ୍‌କା ଦେ଼ସାତାରି ମୀ ଉଜେଡ଼ି ଡାଗେ

ଅ଼ଡ଼େ ରାଜାୟାଁ ମୀ ୱେ଼ଡ଼ା ହ଼ନି ଉଜେଡ଼ି ଡାଗେ ୱା଼ନେରି।