Isaías 65

ପୁଃନି ଗା଼ଡ଼ି କିନାୟି

17 ଇଚିହିଁ ମେହ୍‌ମୁ, ନା଼ନୁ ପୁଃନି ହା଼ଗୁପା଼କା ଅ଼ଡ଼େ ପୁଃନି ଦାର୍‌ତି ଗା଼ଡ଼ି କିଇଁ ଅ଼ଡ଼େ ତଲି କା଼ଲାତି କାତା ବାରେ ଅଣ୍‌ପିୱି ଆ଼ଏ, କି ମ଼ନତା ୱା଼ଏ। 18 ସାମା ଏ଼ନାଆଁ ନା଼ନୁ ଗା଼ଡ଼ି କିଇଁ, ମୀରୁ କା଼ଲେଏ ଏମ୍ବାଆଁ ରା଼ହାଁ ଆ଼ଦୁ; ଇଚିହିଁ ମେହ୍‌ମୁ, ନା଼ନୁ ଜିରୁସାଲମତି ରା଼ହାଁ ଲେହେଁ ଅ଼ଡ଼େ ଏମ୍ବାତି ଲ଼କୁଣି ରା଼ହାଁତି ଲ଼କୁ କିହାଁ ଗା଼ଡ଼ି କିଇଁ। 19 ଇଞ୍ଜାଁ, ନା଼ନୁ ଜିରୁସାଲମତା ରା଼ହାଁ କିଇଁ ଅ଼ଡ଼େ ମା଼ ଲ଼କୁ ତା଼ଣା ରା଼ହାଁ କିଇଁ; ଇଞ୍ଜାଁ, ଏମ୍ବାଆଁ ଡ଼ୀକିତି ହା଼ଡା, କି କିର୍‌ଡ଼ିନି ହା଼ଡା ୱେଣ୍‌ମ୍ବିଆ଼ଏ।