Isaías 66

ମାହାପୂରୁ ଦାର୍‌ତିତି ବିଚାରା କିନେସି

1 ପ୍ରବୁ ଈ କାତା ଏଲେଇଞ୍ଜି ମାନେସି, "ଲାକପୂରୁ ନା଼ ସିଂଗାସାଣି ଅ଼ଡ଼େ ଦାର୍‌ତି ନା଼ ପା଼ୱୁଲି ଇଟିନି ଟା଼ୟୁ; ମୀରୁ ନା଼ ତାକି ଏ଼ନିଲେହେଁତି ଇଲୁ ତିୟାରା କିଦେରି ? ଅ଼ଡ଼େ ଏମିନି ଟା଼ୟୁ ନା଼ ଜ଼ମିନି ଟା଼ୟୁ ଆ଼ନେ ? 2 ଇଚିହିଁ ନା଼ କେୟୁ ଈ ବାରେ ରାଚି କିହାମାନେ, ଅ଼ଡ଼େ ଏ଼ଦାଆଁତାକି ଈ ବାରେ ଆ଼ହାମାନେ," ପ୍ରବୁ ଈ କାତା ଏଲେଇଞ୍ଜି ମାନେସି; "ସାମା ଈ ଲ଼କୁ ତାକି, ଇଚିହିଁ, ଏମିନି ଲ଼କୁ ଦୁକୁଗାଟାସି, ଊଣା ମ଼ନ ଅ଼ଡ଼େ ଆମ୍ବାଆସି ନା଼ ବ଼ଲୁତା ତୀର୍‌ଗିନେସି, ଏ଼ୱାଣାଇଁ ନା଼ନୁ ସିନିକିଇଁ।