8 तूह बिधाता आसा झ़ूरनै आल़अ अर झणैल़ू,
ताह निं धखी का रोश्शै एछदी अर तूह करा खास्सी झींण।
9 तूह आसा सोभी लै भलअ अर
तेरी झींण आसा पृथूईए सोभी ज़ीबा लै।
10 हे बिधाता, सोभी ज़ीबा करनी तेरी ज़ै-ज़ैकार,
अर सोभी लोगा करनअ तेरअ शूकर।
11 लोगा करनी एही गल्ला कि तेरअ राज़ किहअ महान आसा,
अर ताखा किहअ महान बल आसा,
12 ताकि तेरै महान कामें बारै सोभी मणछा का थोघ लागे अर
तेरअ महान राज़ अर तेतो प्रतप्प सोभी लै प्रगट होए।