3 ज़ेभै तैणीं मंऐं अह गल्ल निं मनी कि मंऐं आसा पाप किऐ दै,
हुंह हआ त सारी-सारी धैल़ी धकदअ लागअ द अर मेरै गल़ै हाडकै बी।
4 हे बिधाता, तूह दैआ त धैल़-राच मुल्है सज़ा,
मेरै हुऐ तै ज़ोर-ज़ाहण ई इहै खतम
ज़िहै गरमीं करै बाच शुक्का।
5 खिरी मनअ मंऐं ताह सेटा कि मंऐं किऐ पाप,
मंऐं निं ताह सेटा किछ़ै गलती च़ोरी डाही।
मंऐं सोठअ इहअ कि मुंह मनणी ताह सेटा सोभै गलती,
तंऐं किऐ तेखअ मेरै सारै पाप माफ।
8 हे बिधाता, तूह बोला मुल्है इहअ,
"हुंह खोज़ूं ताखा तैहा बाता ज़ेथ ताह हांढणअ लागा,
हुंह रहूं ताल्है सलाह दैंदअ अर ताह भाल़अ लागी।