हंतणैं आल़ै का छ़ुटकारै लै अरज़
1 हे परमेशर, मुल्है कर झींण,
हुंह गोटअ मेरै दुशमणै फेरा-फेर,
तिन्नैं आणअ हुंह धैल़ हंती-हंती मारी।
3 पर हे परमेशर, ज़ेभै बी मुंह डअर लागा,
हुंह डाह तेभै तेरअ ई भरोस्सअ।
4 हे परमेशर, मेरअ भरोस्सअ आसा ताह ई दी कि मुंह डअर नां लागे,
ज़ुंण तंऐं ज़बान आसा दैनी दी हुंह करा तेते बड़ैई,
तेखअ निं कोहै मणछ मेरअ किछ़ बगाल़ी सकदै।
8 भाल़, ताखा आसा थोघ कि मुल्है केही आफ़त आसा पल़ी दी,
तंऐं आसा मेरी लेर-पकारो साब-कताब डाहअ द,
हाँ, तंऐं आसा सोभै गल्ला आपणीं कताबा दी डाही दी लिखी।
11 हुंह करा तेरअ ई भरोस्सअ अर तेखअ निं हुंह डरदअ,
तेखअ मणछ मेरअ किज़ै सका बगाल़ी?