परमेशर आसा झणैल़ू अर तेऊ का आसा सारअ बल
1 हुंह डाहा सबर कि परमेशर हेरा बच़ाऊई,
हुंह डाहा सिधअ तेऊओ ई भरोस्सअ।
2 मेरी फाज़त करनै आल़अ अर मुंह बच़ाऊंणै आल़अ आसा सह ई,
सह आसा मुंह बच़णा लै उछ़टअ गहल़ अर
तेखअ निं मुंह कोहै हारी सकदअ।
5 हुंह रहा परमेशरे आसरै अर
हुंह डाहा तेऊ ई दी आशा।
6 मेरी फाज़त करनै आल़अ अर मुंह बच़ाऊंणै आल़अ आसा सह ई,
सह आसा मुंह बच़णा लै उछ़टअ गहल़ अर
तेखअ निं मुंह कोहै हारी सकदअ।