1 ए म्हारै बिधाता, तूह आसा राज़अ!

महान राज़ अर बल आसा तेरअ सुआब,

एता ई करै आसा पृथूई एकी ज़ैगा टेक्‍की दी,

सह निं तिधा का आजू-पिछ़ू च़ुक्‍कदी।

2 हे बिधाता, तेरी राज़गाद्दी आसा तेही ई,

सोभी ज़मानैं का आजी थिअ तूह ई।

3 हे बिधाता, समुंदरै लाई क्रुंगा,

बडै-बडै दरैऊऐ छ़ाल्‍ली लाई गुल़ूबिज़ल़ू ज़ेही ढिम्हां।

4 समुंदरे क्रुंगा अर बडै-बडै दरैऊए छ़ाल्‍ली आसा खास्सअ बल,

पर हे बिधाता, ताखा आसा इना सोभी का खास्सअ महान बल।

5 हे बिधाता, तेरअ बधान आसा अटल़,

तेरअ बसेरअ आसा पबित्र अर

तेते शोभा रहणीं जुगै-जुगै तैणीं।