31 तेबे यहोवा ईंयाँ बी बोलोआ, सुण, एड़े दिन आऊणे वाल़े ए जेबे मां यहूदा ओर इस्राएलो रे कराने साथे नवीं वाचा बानणी।* 32 से तेसा वाचा जेड़ी नि ऊणी जो मैं तिना रे बुजुर्गा साथे तेस बखते बानी थी जेबे आऊँ तिना रा आथ पकड़ी की तिना खे मिस्र देशो ते निकयाल़ी की ल्याया था, कऊँकि तेबे बी आऊँ तिना ते एड़ा ई प्यार करुँ था जेड़े एक लाड़ा आपणियां लाड़िया ते करोआ, तेबे बी तिने मेरी वाचा तोड़ी ती। 33 पर जो वाचा मां तिना दिना ते बाद इस्राएलो रे कराने साथे बानणी, से ये: मां आपणा बिधान तिना रे मनो दे समवाणा, ओर से तिना रे मनो दे लिखणा, ओर आऊँ तिना रा परमेशर ठईरना ओर सेयो मेरी प्रजा ठईरने, यहोवे री येई बाणी ए।* 34 तेबे तिना खे एकी-दूजे खे ये नि बोलणा पड़ना कि यहोवे खे जाणो, कऊँकि यहोवे री ये बाणी ए कि छोटे ते लई की बड़े तक, सबी मेरा ज्ञान राखणा, कऊँकि मां तिना रे पाप माफ करने ओर तिना रे पाप फेर याद नि करने।*