Isaías 9

6 ଇଚିହିଁ ମାଙ୍ଗେ ତାକି ର଼ କକାସି ଜାର୍ନା ଆ଼ହାମାନେସି, ମାଙ୍ଗେ ର଼ ମୀର୍‌ଏସି ହୀପ୍‌କି ଆ଼ହାମାଞ୍ଜାନେସି ଅ଼ଡ଼େ ତାନି ବମିତା ସା଼ଲୱି କିନି ବ଼ଜୁ ଇଟ୍‌କି ଆ଼ନେ; ଇଞ୍ଜାଁ, ତାନି ଦ଼ରୁ କାବାଆ଼ନାୟି, ମନ୍ତ୍ରି, ବା଼ଡ଼୍‌ୟୁଗାଟି ପ୍ରବୁ, କା଼ଲେଏତି ତାଞ୍ଜି, ହିତ୍‌ଡ଼ିତି ରାଜା ଆ଼ନେ। 7 ଏ଼ୱାଣି ସା଼ଲୱି କିନାୟି କା଼ଲେଏ ପାଡା ଆ଼ନେ ଅ଼ଡ଼େ ଏ଼ୱାଣି ହିତ୍‌ଡ଼ି ଏଚେଲା ରା଼ଏ, ଏ଼ଦାଆଁତାକି ଏ଼ୱାସି ଏ଼ୱାଣାକି ଦାୱୁଦତି ସିଂଗାସାଣିତା ନୀଏଁଟିଏ କା଼ଲେଏ ତାକି ନୀହାଁୟି ଅ଼ଡ଼େ ଦାର୍ମୁତଲେ କା଼ଲାକା଼ଲା ତାକି ତୀରି ଅ଼ଡ଼େ ଆ଼ଟ୍‌ୱା କିନେସି। ବା଼ଡ଼୍‌ୟୁଗାଟି ପ୍ରବୁତି ବ଼ଲୁ ଈଦାଆଁ ଆ଼ୱିକିନେ।