Jó 1

Ijambo ry’intangamarara

1 Mu gihugu citwa Uzi habaye umugabo yitwa Yobu. Yari umugororotsi atagira umugayo, yubaha Imana kandi yagendera kure y’ikibi cose. 2 Yari afise abahungu indwi n’abakobwa batatu. 3 Yari atunze intama ibihumbi indwi, ingamiya ibihumbi bitatu, impfizi z’inka zirima igihumbi, indogoba zivyara amajana atanu, akagira n’abakozi benshi cane. Yari umutunzi wa mbere mu bantu bo mu buseruko bwa Yorodani.