Isaías 53

1 लोक बेबीलोनो दे गुलाम आपणे साथी यहूदिया खे बोलोए, "जो सन्देश आसा खे दित्तेया, तेतेरा परोसा किने कित्तेया? ओर यहोवे री सामर्थ केस पाँदे प्रगट ऊई?*53:1 यूह. 12:38, रोम. 10:16 2 कऊँकि यहोवे रे सामणे लूँगा जेड़ा ओर एड़ी जड़ी जेड़ा जम्मेया जो सूकी जमीना दे फूटी की निकल़े; मेरा दास ना तो कोई सुन्दर था कि आसे तेसखे देखदे ओर ना आसा खे तेसरी एड़ी शक्ल लगी कि आसे तेसखे पसन्द करदे।*53:2 मत्ती 2:23, मर. 9:12 3 लोक तेसखे बेकार जाणो थे ओर माणूंआ रा त्यागेया रा था; से दु:खी मर्द था, तेसरी जाण-पछयाण बमारिया ते थी ओर लोक तेसखे देखदे ई आपणा मूँ फेरी लओ थे। से तुच्छ जाणेया गया ओर आसे तेसरी एहमियत नि जाणी।*53:3 मत्ती. 9:12 4 तिने पक्का म्हारिया बमारिया सई लिया ओर म्हारे ई दु:ख चकी ले; तेबे बी आसे से परमेशरो रा मारेया-कूटेया रा ओर बुरी दशा रे पड़ेया रा समजेया।*53:4 मत्ती 8:17, 1 पत. 2:24 5 पर से म्हारे ई पापो रिया बजा ते कायल कित्तेया, से म्हारे पापो रे कामो रिया बजा ते दबाया; म्हारी ई शान्तिया रिया खातर तेस पाँदे ताड़ना पड़ी, ताकि तेसरे कोड़े खाणे ते आसे ठीक ऊई जाऊँ।*53:5 रोम. 4:25, 1 पत. 2:24 6 आसे तो सारे के सारे पेडा जेड़े राची गे थे; आसा बीचा ते हर एक आपणी-आपणी बाटा दे चली रा था।*53:6 पुराणे नियमो दे पेडा रा पटकणा परमेशरो रे बिधानो रा ना मानणे वाल़े लोका खे एक सादारण बात ए, पजन. 119:176, यिर्मयाह 50:6 ओर यहोवे आसा सबी रे पापा रा बोज आपणे दासो पाँदे लादी ता।*53:6 प्रेरि. 10:43, 1 पत. 2:25 7 तेसखे दु:ख देंदे रये, तेबे बी से सयीन करदा रया ओर आपणा मूँ नि खोलेया; जिंयाँ पेड फाटणे रे बखते ओर ऊन कतरने रे बखते चुपचाप शान्त रओई, तिंयाँ ई से बी आपणा मूँ खोले बिना चुपचाप रया।*53:7 यूह. 1:29, मत्ती 27:12,14, मर. 15:4,5, 1 कुरि. 5:7, प्रका. 5:6,12 8 अत्याचार करी की ओर दोष लगाई की सेयो तेसखे लईगे; तेस बखतो रे लोका बीचा ते किने बी एते पाँदे त्यान नि दित्तेया कि से जिऊँदेया बीचा ते चकी ता? मेरे ई लोका रे पापो रिया बजा ते तेस पाँदे मौता री सजा पड़ी।*53:8 प्रेरि. 8:32,33 9 तेसरी कब्र बी दुष्टा साथे ठराई ओर मौता रे बखते से अमीरा रा साथी ऊआ, तेबे बी तिने कोई बी उपद्रव नि कित्तेया था ओर तेसरे मुंए ते कदी बी छल-कपटो री गल्ल नि निकल़ी थी।*53:9 1 कुरि. 15:3, 1 पत. 2:22, 1 यूह. 3:5, यूह. 19:38-42 10 तेबे बी यहोवे खे ये ई अच्छा लगेया कि तेसखे केसो; तिने ई से बमार करी ता; जेबे से आपणा प्राण दोषबलि करो,*53:10 लेवी. 5:15-19 तेबे से आपणा कुल देखी सकोआ, से बऊत दिना तक जिऊँदा रणा, तेसरे आथे यहोवे री इच्छा पूरी ऊणी। 11 दासे दु:ख सईन कित्तेया ए, तेस जिंदगिया रा प्रयासा देखणा ओर खुश ऊणा, ओर तेसखे तसल्ली मिलणी; आपणे ज्ञानो रे जरीये मेरे तर्मी दासो बऊत सारे तर्मी ठराणे ओर तिना रे बुरे कामो रा बोज आपू चकी लणा।*53:11 रोम. 5:19 12 इजी बजा ते मां तेसखे महान लोका साथे इस्सा देणा ओर तेस तागतबरा साथे लूट बाँडणी; कऊँकि तिने आपणे प्राण मौता रे तोरे करीते, से अपराधिया साथे गिणेया गया, तेबे बी तिने बऊता रे पापो रा बोज चकी ला ओर अपराधिया रिया तँईं प्रार्थना करोआ।"*53:12 मत्ती 27:38, मर. 15:27, लूक. 22:37, इब्रा. 9:28