Salmos 112

1 Louwe SENYÈ a!

A la beni nonm ✝112:1 Sòm 128:1 ki krent SENYÈ a beni!

Sila ki pran gwo plezi nan kòmandman Li yo.

2 Desandan li yo va pwisan sou latè.

Jenerasyon ladwati a va beni.

3 Anpil byen ak gwo richès rete lakay li.

Ladwati li dire pou tout tan.

4 Limyè vin leve nan tenèb ✝112:4 Job 11:17pou moun ladwati a;

Li plen gras ak mizerikòd, ak jistis.

5 L ale byen pou nonm nan ki ✝112:5 Sòm 37:21gen mizerikòd e ki prete;

Li va prezève koz li a nan jijman an.

6 Paske li p ap janm ebranle.

Moun ✝112:6 Sòm 15:5dwat la va sonje jis pou tout tan.

7 Li p ap krent move nouvèl.

Kè Li fèm ✝112:7 Sòm 56:4 ak konfyans nan SENYÈ a.

8 ✝ 112:8 Eb 13:9 Kè li kanpe janm.

Li pa pè anyen, jiskaske denyè moman an lè

li gade ak kè kontan advèsè li yo.

9 Li ✝112:9 II Kor 9:9te bay ak jenewozite a pòv yo.

Ladwati li dire jis pou tout tan.

Kòn li va egzalte nan lonè.

10 Mechan an va wè l e l ap vekse nèt.

Li va ✝112:10 Sòm 35:16manje dan l e vin fonn pou l disparèt.

Dezi a mechan an va peri.