Sòm Yo 64

Pou direktè koral la. Yon Sòm David.

1 Tande vwa m, O Bondye nan plent mwen an.

✝ 64:1 Sòm 140:1 Konsève lavi m kont laperèz lènmi an.

2 Pwoteje m kont konsèy sekrè a malfektè yo,

kont boulvèsman a ✝64:2 Sòm 59:2sila ki fè mechanste yo.

3 Ki te file lang yo tankou nepe.

Yo te pwente flèch pawòl anmè yo,

4 pou tire an kachèt sou sila ki inosan yo.

Sibitman yo tire sou li, san lakrent.

5 Yo kenbe fèm a pwòp desen mechan yo.

Yo pale sou ✝64:5 Sòm 140:5 pyèj ke y ap fòme an sekrè yo.

Yo di: "Se kilès ki kab wè yo?"

6 Yo fè manèv pou enjistis e di:

"Nou prè pou yon konplo byen fòme".

Paske panse lenteryè a moun se byen fon.

7 Men ✝64:7 Sòm 7:12-13 Bondye va tire sou yo avèk yon flèch.

Sibitman, yo va blese.

8 Konsa, yo va ✝64:8 Sòm 9:3 chape tonbe.

Pwòp lang pa yo va kont yo.

Tout moun ki wè yo va souke tèt yo.

9 Nan moman sa a, tout moun va krent.

Konsa, yo va ✝64:9 Jr 51:10 deklare zèv Bondye yo.

Ak sajès yo va konsidere sa Li te fè a.

10 Nonm ladwati a va ✝64:10 Job 22:19 kontan nan SENYÈ a!

Yo va pran refij nan Li,

epi tout moun dwat yo va fè kè kontan.