Sòm Yo 94

1 O SENYÈ, Bondye a ✝94:1 Det 32:35 vanjans lan,

Bondye a vanjans lan, kite limyè vin parèt!

2 Vin leve, O ✝94:2 Jen 18:25 Jij sou tè a.

Bay rekonpans a moun ògeye yo.

3 Pou konbyen de tan mechan yo, O SENYÈ,

pou konbyen de tan ✝94:3 Job 20:5 mechan yo va leve tèt yo wo?

4 Yo vide pawòl yo, yo pale avèk ògèy.

Tout moun ki fè mechanste yo ✝94:4 Sòm 10:3 vante tèt yo.

5 Yo kraze pèp Ou a, O SENYÈ.

✝ 94:5 És 3:15 Yo aflije eritaj Ou a.

6 Yo ✝94:6 És 10:2 touye vèv yo avèk etranje a.

Yo asasine òfelen yo.

7 ✝ 94:7 Job 22:13 Yo fin di: "SENYÈ a pa wè, ni Bondye

Jacob la p ap okipe sa a."

8 Veye sa a, nou menm ki ✝94:8 Sòm 92:6 ensansib pami pèp la;

Kilè n ap konprann, nou menm ki bèt?

9 Sila ki ✝94:9 Egz 4:11 plante zòrèy la, èske Li pa tande?

Sila ke te fòme zye a, èske Li pa wè.

10 Sila ki fè chatiman nasyon yo,

èske Li p ap fè repwòch?

Sila ki ✝94:10 Job 35:11 enstwi lòm; Li konnen!

11 SENYÈ a ✝94:11 Job 11:11 konnen panse a lòm,

ke se sèlman yon souf ke yo ye.

12 Beni se nonm ke Ou bay chatiman an,

O SENYÈ,

ke Ou ✝94:12 Sòm 119:171 enstwi nan lalwa Ou a,

13 pou Ou kapab bay li sekou nan ✝94:13 Sòm 49:5jou advèsite yo,

jiskaske yon fòs fin fouye pou mechan yo.

14 Paske SENYÈ a p ap abandone pèp Li a,

ni Li p ap ✝94:14 Sòm 37:28 lage pèp eritaj Li a.

15 Paske ✝94:15 Sòm 97:2 jijman an va devni dwat ankò e

tout pèp ladwati yo va swiv li.

16 Se kilès ki va ✝94:16 Nonb 10:35 kanpe pou mwen kont malfektè yo?

Se kilès ki va pran pozisyon li pou mwen kont sila ki fè mechanste yo?

17 Si ✝94:17 Sòm 124:1-2 SENYÈ a pa t sekou mwen,

nanm mwen ta fin abite nan andwa silans lan.

18 Si mwen ta di: ✝94:18 Sòm 38:16 "Pye m glise,"

Lanmou dous Ou a, O SENYÈ, va kenbe m.

19 Lè panse twoub mwen yo vin ogmante anndan m,

✝ 94:19 És 57:18 konsolasyon Ou yo fè kè m kontan.

20 Èske yon ✝94:20 Am 6:3 twòn mechan kapab fè amitye avèk Ou?

Yon moun ki imajine fè mal pa dekrè?

21 Yo vin reyini ansanm kont lavi moun dwat yo,

e ✝94:21 Egz 23:7 kondane inosan yo a lanmò.

22 Men SENYÈ a se toujou sitadèl mwen e

Bondye mwen an, ✝94:22 Sòm 18:2 wòch ki pwoteje mwen an.

23 Li te fè mechanste pa yo retounen sou yo, e

va ✝94:23 Sòm 7:16 koupe retire yo nèt nan mechanste pa yo.

SENYÈ nou an va koupe retire yo.