Sòm Yo 73

Yon Sòm Asaph

1 Anverite, Bondye bon a Israël,

a sila avèk kè ki ✝73:1 Sòm 24:4 san tach yo!

2 Men pou mwen, ✝73:2 Sòm 94:18 pye m te prèt pou glise tonbe,

Pa m yo te prèt pou chape.

3 Paske mwen te gen anvi awogan yo,

lè m te wè jan ✝73:3 Job 21:7mechan yo te byen reyisi.

4 Paske nan lanmò yo, nanpwen soufrans e kò yo byen gra.

5 Yo pa nan pwoblèm tankou lòt moun,

ni yo pa toumante tankou limanite.

6 Pou sa, yo pote ògèy tankou yon bèl ✝73:6 Jen 41:42 kolye.

Abiman vyolans kouvri kon yon bèl rad.

7 Zye yo anfle nan mitan ✝73:7 Job 15:27 grès yo.

Imajinasyon a kè yo dechennen nèt.

8 Yo ✝73:8 Sòm 1:1 giyonnen moun.

Ak mechanste, yo pale afè oprime lòt moun.

Yo pale konsi se anwo sa soti.

9 Nan bouch ✝73:9 Rev 13:6 yo rive nan syèl la,

pandan lang yo fè gwo pwomnad sou tout latè.

10 Akoz sa a, pèp pa yo retounen kote yo,

e yo kontinye bwè ✝73:10 Sòm 23:5 gran sous yo nèt.

11 Yo di: "Kòman Bondye konnen?

Eske gen konesans kote Pi Wo a?"

12 Gade byen, sila yo se mechan yo ye.

Konsi, toujou ✝73:12 Jr 49:31 alèz, yo te agrandi richès yo.

13 Anverite, ✝73:13 Job 21:15 se an ven mwen te kenbe kè m san tach,

ak lave men m nan inosans.

14 Paske mwen te twouble tout lajounen

e te resevwa ✝73:14 Job 33:9 chatiman chak maten.

15 Si mwen te di: "Mwen va pale konsa,"

gade byen, mwen ta trayi ✝73:15 Sòm 14:5 jenerasyon pitit Ou yo.

16 Lè m te ✝73:16 Ekl 8:17 reflechi pou konprann sa, zye m pa t wè klè menm.

17 Men jis lè m te antre nan sanktiyè Bondye a,

mwen te vin konprann jan yo ta ✝73:17 Sòm 37:38 fini.

18 Anverite, Ou te mete yo kote ki ✝73:18 Sòm 35:6 glise anpil.

Ou te jete yo ba jiskaske yo fini nèt.

19 Men kijan yo va ✝73:19 Nonb 16:21 detwi nan yon enstan!

Y ap bale nèt ale avèk gran perèz kap rive sibitman!

20 Tankou yon rèv lè moun leve, O SENYÈ,

lè Ou leve, Ou va ✝73:20 I Sam 2:30 meprize pwòp fòm yo.

Ou va rayi rèv de lespri yo.

21 Lè kè m te vin anmè,

e kè m te ✝73:21 Trav 2:37 pike anndan m,

22 alò, mwen te vin ensansib e san bon konprann.

Mwen te tankou yon ✝73:22 Job 18:3bèt devan Ou.

23 Sepandan, ✝73:23 Sòm 16:8 mwen avè W tout tan.

Ou te kenbe men dwat mwen.

24 Avèk konsèy Ou, Ou va gide mwen,

e apre, ✝73:24 Jen 5:24resevwa mwen nan laglwa.

25 ✝ 73:25 Sòm 16:2 Se kilès mwen gen nan syèl la sof ke Ou?

Epi anplis ke Ou, mwen pa vle anyen sou latè.

26 ✝ 73:26 Sòm 38:10 Chè mwen avèk kè mwen kab fè fayit,

men Bondye se fòs kè mwen ak pòsyon mwen jis pou tout tan.

27 Paske gade byen, sila ki lwen yo va ✝73:27 Sòm 37:20 peri.

Ou te detwi tout sila ki pa t fidèl a Ou menm yo.

28 Men pou mwen, rete pre Bondye se bonte mwen.

Mwen te fè Senyè a, BONDYE a, ✝73:28 Sòm 14:6refij mwen,

Pou m kab pale tout zèv Ou yo.