Sòm Yo 124

Yon Sòm pou monte vè tanp lan. Yon Sòm David.

1 ✝ 124:1 Sòm 94:17 Si se pa t SENYÈ a ki te pou nou,

kite Israël di koulye a,

2 Si se pa t SENYÈ a ki te pou nou,

lè lezòm te leve kont nou yo,

3 Alò, yo t ap gen tan fin ✝124:3 Nonb 16:30vale nou tou vivan,

lè kòlè yo te limen kont nou an.

4 Nan lè sa a, ✝124:4 Job 22:11dlo yo t ap fin anglouti nou nèt.

Kouran dlo yo ta fin pase sou nanm nou.

5 Nan lè sa a, ✝124:5 Job 38:11dlo anraje yo t ap fin pase sou nanm nou.

6 Beni se SENYÈ a, ki pa t livre nou pou ✝124:6 Sòm 27:2chire nan dan yo.

7 Nanm nou gen tan fin chape tankou yon zwazo

ki sòti nan ✝124:7 Sòm 91:3pèlen a moun k ap fè lachas yo.

Pèlen an fin kase e nou chape.

8 Sekou nou se nan non SENYÈ a, ki te

✝ 124:8 Jen 1:1 fè syèl la ak tè a.