1 ✝Deklare m inosan, O Bondye mwen!

Plede ka mwen kont yon nasyon enfidèl.

O delivre mwen soti nan men

a lezòm mantè e enjis yo!

2 Paske Ou se Bondye fòs mwen an.

Poukisa Ou rejte m?

Poukisa mwen ✝fè dèy akoz opresyon a lènmi an?

3 Voye ✝limyè Ou deyò avèk verite Ou;

kite yo mennen mwen.

Kite yo mennen m nan mòn sen Ou an ak kote Ou abite yo.

4 Konsa, mwen va ale vè lotèl Bondye a,

Bondye ✝lajwa m ki depase limit lan.

Konsa, sou gita a, mwen va bay Ou lwanj,

O Bondye, Bondye mwen an.

5 ✝Poukisa ou nan dezespwa, O nanm mwen?

E poukisa ou twouble anndan m?

Mete espwa ou nan Bondye!

Paske m ap louwe Li ankò:

O sove m, soutyen mwen an,

ak Bondye m.