Sòm Yo 93

1 SENYÈ a renye!

Li abiye an majeste!

SENYÈ a te abiye Li ak fòs.

Anverite, mond lan etabli byen solid.

Li pa ebranle menm.

2 Twòn Ou etabli depi tan ansyen an.

Ou la depi nan etènite.

3 Flèv yo te leve, O SENYÈ,

Flèv yo te leve vwa yo, flèv yo te leve gwo vag frapan yo.

4 Plis pase bri a anpil dlo, pase gwo vag lanmè debòde,

SENYÈ anwo a pwisan.

5 ✝ 93:5 Sòm 19:7 Regleman Ou yo kanpe nèt;

Sentete byen bèl lakay Ou a

O SENYÈ, jis pou tout tan.