Sòm Yo 95

1 O vini, annou chante a SENYÈ a!

Annou rele fò avèk jwa a wòch ki sove nou an;

2 Annou vini devan prezans Li avèk remèsiman,

Annou rele fò a Li menm avèk sòm.

3 Paske SENYÈ a se yon ✝95:3 Sòm 48:1 gran Bondye, e

yon gran wa pi wo ke tout dye yo.

4 Nan men Sila ✝95:4 Sòm 135:6 pwofondè latè yo ye a.

Pwent mòn yo osi se pou Li.

5 Lanmè a se pou Li, paske se te Li menm ✝95:5 Jen 1:9-10 ki te fè l.

Ak men L, Li te fòme tè sèch la.

6 Vini, annou fè adorasyon, e annou pwostène.

Annou mete ajenou devan SENYÈ ✝95:6 Sòm 100:3 ki te fè nou an.

7 Paske se Li menm ki Bondye nou an.

Nou se moun patiraj Li ak mouton men Li yo.

✝ 95:7 Eb 3:7-11-15 Jodi a, si nou ta vle tande vwa L,

8 pa fè kè nou vin di tankou nan ✝95:8 Egz 17:2-7 Meriba,

tankou nan jou a Massa nan dezè yo,

9 "lè papa zansèt nou yo te ✝95:9 Nonb 14:22 pase M a leprèv.

Yo te tante Mwen, malgre yo te deja wè zèv Mwen yo.

10 Pandan ✝95:10 Trav 7:36 karantan, Mwen te rayi jenerasyon sila a e te di:

"Yo se yon pèp ki egare nan kè yo.

Yo pa rekonèt chemen Mwen yo."

11 Akoz sa, Mwen te sèmante nan kòlè Mwen,

"Anverite, yo p ap antre nan ✝95:11 Det 12:9repo Mwen an."