Sòm Yo 58

Pou direktè koral la; Nan melodi la "Pa Detwi". Yon Sòm David

1 Vrèman, èske nou pale ladwati, O lòt dye yo?

Èske nou ✝58:1 Sòm 82:2 jije san fòt, O fis a lòm yo?

2 Non, nan kè, nou ✝58:2 Mal 3:15 fòmante inikite.

Sou latè, nou peze balans pou separe

bay vyolans ak men nou.

3 Mechan yo pèvès depi nan vant.

Sila ki bay manti yo fè move wout depi nesans yo.

4 Yo gen pwazon tankou ✝58:4 Det 32:33pwazon sèpan.

Kon vipè soud ki bouche zòrèy li,

5 pou li pa tande vwa a sila k ap chame li yo,

malgre se yon ✝58:5 Ekl 10:11 majisyen abil k ap fè wanga.

6 O Bondye, ✝58:6 Job 4:10kraze dan nan bouch yo!

Kase gwo dan a jenn lyon an, O SENYÈ.

7 Kite yo ✝58:7 Jos 2:11koule disparèt tankou dlo k ap kouri sou tè.

Lè flèch li yo parèt, kite yo fèt tankou shaf san tèt.

8 Kite yo tankou kalmason ki fonn,

ki vin disparèt pandan l ap mache,

tankou ✝58:8 Job 3:16avòtman a yon fanm ki p ap janm wè solèy la.

9 Avan chodyè ou yo kab santi dife pikan yo,

Li va ✝58:9 Job 27:21bale yo fè yo disparèt nan van toubiyon;

vèt ak sila kap brile yo, ansanm.

10 Moun ladwati a va rejwi lè l wè ✝58:10 Det 32:43vanjans lan.

Li va lave pye li nan san a mechan yo,

11 pou moun yo di: "Anverite, gen yon rekonpans pou moun ladwati yo.

Anverite, genyen yon Bondye k ap jije latè!"