Yon Sòm David

1 Nan Ou menm, SENYÈ, mwen kache.

Pa janm kite mwen ✝31:1 Sòm 25:2vin wont.

Nan ladwati Ou, delivre mwen.

2 Panche zòrèy W bò kote mwen.

Delivre mwen byen vit.

Devni pou mwen ✝31:2 Sòm 18:2wòch ki ban m fòs,

yon sitadèl ki pou sove m.

3 Paske Ou se wòch mwen ak sitadèl mwen,

konsa, pou koz a non Ou, Ou va gide mwen.

4 Ou va rale m sòti nan filè ke yo te

prepare an sekrè pou mwen an,

paske se Ou ki fòs mwen.

5 ✝ 31:5 Luc 23:46 Nan men Ou, mwen mete lespri mwen.

Ou te rachte m, O SENYÈ, Bondye verite a.

6 Mwen rayi sila ki fè rega a fo zidòl yo,

men nan Bondye, mwen ✝31:6 Sòm 52:8mete konfyans mwen.

7 Mwen va rejwi e fè kè kontan nan

lanmou dous Ou, akoz Ou te wè soufrans mwen.

Ou te ✝31:7 Sòm 10:14wè soufrans a nanm mwen.

8 ✝ 31:8 Det 32:30 Ou pa t lage mwen nan men a lènmi an.

Ou te mete pye mwen nan yon kote byen laj.

9 Fè m gras, O SENYÈ, paske mwen nan gwo twoub.

Zye m ak kò m ak nanm mwen;

tout fin gate nèt akoz doulè m.

10 Paske lavi m fin pase nèt ak gwo doulè m,

ane mwen yo avèk soupi.

✝ 31:10 Sòm 39:11 Fòs mwen fin ale akoz inikite m.

Kò mwen fin epwize.

11 Akoz tout advèsè mwen yo, mwen te

devni yon objè ✝31:11 Sòm 69:19abominab,

sitou a vwazen mwen yo, e yon

objè laperèz a sila ki rekonèt mwen yo.

Sila ki wè m nan lari yo sove ale devan m.

12 Mwen fin ✝31:12 Sòm 88:5bliye tankou yon moun mouri,

disparèt nan panse moun.

Mwen tankou yon veso ki fin kraze.

13 Paske mwen konn tande kout lang

anpil moun, laperèz toupatou.

✝ 31:13 Mat 27:1 Yo pran konsèy ansanm kont mwen.

Yo te fè konplo pou rache lavi m.

14 Men pou mwen, mwen mete konfyans nan Ou, O SENYÈ.

Mwen di: ✝31:14 Sòm 140:6"Se Ou menm ki Bondye mwen".

15 Moman mwen yo nan men Ou.

✝ 31:15 Sòm 143:9 Delivre mwen nan men a lènmi mwen yo,

avèk sila ki pèsekite mwen yo.

16 Fè limyè figi Ou vin parèt sou sèvitè Ou a.

✝ 31:16 Sòm 6:4 Sove mwen nan lanmou dous Ou a.

17 Pa kite mwen fè wont, O SENYÈ,

paske se Ou ke m rele.

18 Kite lèv ki manti yo sispann,

sila yo ka p ✝31:18 Jd 15 pale ak awogans kont moun dwat yo,

k ap fè ògèy pou desann moun.

19 Men a la gran, ✝31:19 És 64:4bonte ke Ou

te konsève pou sila ki krent Ou yo,

ke Ou te fòje pou sila ki kache nan Ou yo, devan fis a lòm yo!

20 Ou kache yo nan kote sekrè a prezans Ou, kont tout ✝31:20 Sòm 37:12 manèv a lòm.

Ou konsève yo an sekrè nan yon pwotèj

kont konplo a tout lang lèzòm.

21 Beni se SENYÈ a,

paske li te fè mèvèy a lanmou dous Li a

anvè mwen nan yon ✝31:21 I Sam 23:7 vil byen fò.

22 Pou mwen, mwen te di ak kè sote mwen:

"Mwen ✝31:22 És 38:11-12koupe retire nèt devan zye Ou".

Sepandan, Ou te tande vwa a siplikasyon mwen yo

lè m te kriye a Ou menm.

23 O renmen SENYÈ a, nou tout, moun fidèl yo!

SENYÈ a toujou ✝31:23 Sòm 145:20prezève moun fidèl yo,

e bay pwòp rekonpans a sila ki plen ògèy yo.

24 Kenbe fèm e ✝31:24 Sòm 27:14kite kè ou pran kouraj,

nou tout ki mete espwa nan SENYÈ a.