Salmos 32

Yon Sòm David. Yon Sòm Refleksyon

1 ✝ 32:1 Sòm 85:2 A la beni se sila ki padone pou transgresyon li,

pou peche li ki kouvri a!

2 A la nonm beni se sila SENYÈ a pa jije kon koupab la,

e nan lespri a sila ✝32:2 Jn 1:47 ki pa gen manti a.

3 Lè m te ✝32:3 Sòm 39:2-3kenbe silans selon peche mwen,

kò m te desann bese nèt e mwen t ap plenyen tout lajounen.

4 Paske lajounen kon lannwit,

✝ 32:4 I Sam 5:6 men Ou te lou sou mwen.

Fòs mwen te epwize vin bese

tankou gwo chalè nan gran sezon ete. Tan

5 Mwen te vin rekonèt peche m devan Ou,

e inikite mwen, mwen pa t ankò kache.

Mwen te di: ✝32:5 I Jn 1:9"Mwen va konfese transgresyon mwen yo a SENYÈ a",

epi Ou te padone koupabilite m pou peche mwen yo.

6 Konsa, kite tout sila ki fidèl yo priye vè Ou menm,

✝ 32:6 Sòm 69:13 nan yon lè ke Ou toujou disponib.

Anverite, nan gran flèv dlo yo,

yo p ap kab rive kote Li ankò.

7 Ou se kote ke m konn kache a.

Ou ✝32:7 Sòm 121:7 pwoteje mwen kont gwo twoub.

Ou antoure mwen avèk chanson delivrans yo.

8 Mwen va ✝32:8 Sòm 25:8enstwi ou e fè ou aprann chemen

nan sila ou dwe ale a.

Mwen va bay ou konsèy avèk zye M sou ou.

9 Pa fè ✝32:9 Pwov 26:3tankou cheval oswa milèt ki pa gen konprann menm,

ki nan tout sikonstans, oblije gen brid ak bosal ki pou ralanti yo.

Otreman, yo p ap vin kote ou.

10 Anpil se ✝32:10 Wo 2:9tristès a mechan yo,

men sila ki mete konfyans li nan SENYÈ a,

se lanmou dous ki va antoure li.

11 Fè kè kontan nan SENYÈ a e rejwi, nou menm ki jis!

Rele avèk jwa, nou tout ✝32:11 Sòm 7:10ki dwat nan kè nou yo.