Pou direktè koral la; Yon Sòm David, sèvitè SENYÈ a

1 Se Peche ki pale nan fon kè a lòm ki san Bondye.

Nanpwen ✝36:1 Wo 3:18krent Bondye devan zye l.

2 Jan li kontan ak pwòp tèt li,

li pa janm wè pwop peche pa l la.

3 ✝ 36:3 Sòm 10:7 Pawòl a bouch li se mechanste avèk manti.

Li fè yon chemen ki pa bon.

4 Sou kabann li, li fè plan mechan;

Li antre nan yon wout ki p ap sòti byen;

Li ✝36:4 Wo 12:9pa rayi mal.

5 ✝ 36:5 Sòm 57:10 Lanmou dous Ou, O SENYÈ, rive jis nan syèl yo,

fidelite Ou nan syèl la.

6 Ladwati Ou se tankou mòn Bondye yo,

e✝36:6 Wo 11:33jijman Ou yo tankou yon gran pwofondè.

O SENYÈ, Ou prezève ni lòm, ni bèt.

7 Lanmou dous Ou chè, O Bondye!

Pitit a lòm yo ✝36:7 Rt 2:12pran azil anba lonbraj zèl Ou.

8 Yo ✝36:8 És 25:6bwè jiskaske yo vin plen an abondans lakay Ou.

Konsa,Ou bay yo bwè nan rivyè plezi Ou yo.

9 Paske avèk Ou, se ✝36:9 Jr 2:13fontèn dlo lavi a.

Nan limyè pa Ou a, nou wè limyè.

10 O bay toujou lanmou dous Ou a pou sila ki konnen Ou yo,

ak ✝36:10 Sòm 24:5ladwati Ou pou sila ki dwat nan kè yo.

11 Pa kite pye ògèy vini sou mwen,

ni pa kite men a mechan yo chase mwen ale.

12 Se la ✝36:12 Sòm 140:10sila k ap fè inikite yo gen tan fin tonbe.

Yo te peze desann ak fòs, e yo p ap kab leve ankò.