1 Moab deudi de ziemne ndulia kegai.

Kesang, zeuziu ge gage Moab nam Ar ngkapdi nah kemta teidi da;

kesang, zeuziu ge gage Moab nam Kir ngkapdi nah kemta teidi da.

2 Penui kerecaki ga hang dida, Dibonmedung lamlwatu kehu ga hap kera tet hang dida;

Nebome* penai Medebame* ziemne Moabme hapgai.

Penui peu tam taikwakdi nah penui muimai bitgi ciak dida.

3 Penui puididung gade rosopai balwe; penui kireudung gade

nah renamsum gade mileune penui miakdui bia eh hap zie.

4 Heshbon penai Elealeh hap mrung eh kengha kie kegai; penai kwa Jahaz kecang gade siu.

Cine Moab reugwamedung penui kakgade mbeu eh kengha kie kegai kwa sahgai.

5 A mlung Moabme ziemne hap; pe mina mbai eh pak kelame Zoar nah Eglath Shelishiyah namdi gage pakgai.

Penui Luhith lampui ga hap eh tet hang;

Horonaim lampui gade penui gudung ngkap kedi ziemne penui sütgai hap.

6 Nimrim lamkam dui de cang dida;

tsehei regui dida;

nah cehei ki kapdi;

cika heidiak kette bamsi meda.

7 Penui lung nah hekwa kelu kepui kenlim

penui cidungde punglwe poplar tsingbang ziu kakga reueuna dungde pung kahpetdi.

8 Kehap cide Moabme deu pelane puidi;

Eglaim nah Beer Elim kecang de kehap kwa cide siudi.

9 Dimon dui au hejai le pui dida; dede Ih Dimon reu gage ciswa keei eh keugwang si gai zie.

Moab gade pak kedime nah cika bang kebammedung de hingho ne gwaketang zie.