1 Cipau tingdau Baladan napei Marduk-Baladan, Babylon gu hegwangpei, Hezekiah da ge laisiu nah mapeu ge langgai; kedanemene pa Hezekiah nra bam eh yi dai lu delie siu kecune. 2 Hezekiah ma aidungde ziemne pe sui yidi; pa samgwame de pegu mania pemi kewhung kai kenzeu ki keulia gai, rangkanggeu, kecak, mosala nah maca pemi kewhung, pe reugwanetdung ki nah ma kehekwa ki ga maleu ngau kelu leu. Hezekiah, penuide keulia kemak ma gede ga, pe ki ga, mede pe hegwangram pelane ga. 3 Cipaucai Isaiah caihakecibe hegwangpei Hezekiah da gwang nah pecu keteu, "Cipau peidung de ncu dai rang no? Penui dai ga de gwang no?" Hezekiah rangdi, "Penui a da gwang la kemdei Babylon namdi gade." 4 Iciu eh Isaiah pecu keteu, "Penui dai ngau no n ki gade?" Hezekiah keli eh, "Penui a ki ga ma pelane ngau da. Agu mania pemi kewhung kakga Ih penui de ma gede keulia kemak gah da." 5 Cipaucai Isaiah, "Hezekiah dage rangdi, reugwame reu RAMPAUBE sam kingnei lu: 6 ‘Pielo, aipau tingba de gwang di lai zeu da, n hegwangki gade ma pelane, n paume mania henai kecang hekwa lwe kebam de, Babylon ga teupung gwang dizie da. Magede bang nzeu lak, RAMPAUBE cinzwa rangzeu. 7 N napeidung n dade mna kelumedung, nkatei n name de, penuine penuide ngngwa tetti zie, nah penui Babylon hegwangpei ki ga eunuchme tei dizie.’" 8 Cipaucai Hezekiah Isaiah dage rangdi, "RAMPAUBE sam nang rang kegai de au yi." Kedanemene pa cet kecu, "A ting ga kezuyi nah ntiepriep kecu bam dizie."