1 * Ashdod ga Tartan kegwang bekum, Assyria gwangpei Sargon ne pecu lang kegaidau, pa Ashdod de renia nah ngamlu. 2 Cidau RAMPAUBE Amoz napei Isaiah da de rang eh, "Miecu nah n kia gade rosopai de lwakdi, nah n pi gade picum keu di." Pa cinzwa teilu, paaula eh nah picum pung mene tetla di. 3 RAMPAUBE rang eh, "A kilabe Isaiah mmi kecum pe picum pung mene nah paaula eh tet kegwangde au, cide au Egypt penai Cush ziemne marengei ge, 4 ainzwa eh Assyria gwangpei Egypt gade tui kelume nah Cushme pak kelame hecing hena paula nah picum pung mene nah penui ndang gum mene, Egyptme de tei hengam gai kera. 5 Penui lungpang nah ngngam dizie, kedanemene penui Cushme da keregui bam nah Egyptme le penui gie tei kelane. 6 Cipau nai duikung ga lungh kelame rang zie, ‘Kesang, aide anui keregui da, kengha ziemne cika anui pakkai da Assyria gwangpei dade anuide gumlu beu kera, nah cu, anui dainzwa pak lulai?’"